- मत्ती 4:17 - Bundeli Holy Bible

¹⁷ ऊ बेरा से यीशु ने प्रचार करबो और कहबो शुरू करो, कि मन फिराओ कायसे सरग कौ राज्य ऐंगर आ गओ है।

- मत्ती 4:17 ပူးပေါင်းရင်းမြစ်များ

- मत्ती 10:7

और गैल चलत चलत तुम प्रचार करत कहियो कि सरग कौ राज्य ऐंगर आ गओ आय।

- मत्ती 11:12

यूहन्ना बपतिस्मा देबेवारे के दिना से अबै लौ सरग के राज्य पे जोर अजमाइस होत रई आय, और बलवान मान्स ऊपे कब्जा कर लेत आंय।

- मत्ती 13:11

ऊने उन हां उत्तर दओ, तुम हां सरग के राज्य के भेदन की समझ दई गई आय, पर उन हां नईं।

- मत्ती 13:24

ऊने उन हां एक और कनौत कई कि सरग कौ राज्य ऊ मान्स के जैसो आय, जीने अपने खेत में उमदा बीज बोओ।

- मत्ती 13:47

और सरग कौ राज्य ऊ बड़े जाल के घांई आय, जौन समन्दर में डालो गओ, और हर तरहां की मछरियन हां समेंट लियाओ।

- मत्ती 13:9

जीके कान होबें बो सुन ले।

- मत्ती 25:1

तब सरग कौ राज्य उन दस कुंवारियन जैसो हुईये, जौन अपनी मशालें लैके दूल्हे से मिलबे हां कड़ीं।

- मत्ती 3:2

कि मन फेरो; कायसे सरग कौ राज्य ऐंगर आ गओ आय।

- मत्ती 6:10

तोरो राज्य आबे; तोरी मनसा जैसे सरग में पूरी होत आय, वैसई धरती पे भी पूरी होबे।

- मत्ती 9:13

तुम जाओ और ईको मतलब सीख लेओ, मैं बलि नईं बल्कि दया चाहत आंव; कायसे मैं धर्मियन हां नईं पर पापियन हां बचाबे हां आओ हों।

- लूका 15:10

मैं तुम से कैत आंव; कि ऐई भांत से एक हिया फेरबेवारे अधरमी के विषय में परमेसुर के सरगदूतन के सामूं खुसी मनाई जात आय।

- लूका 15:7

मैं तुम से कैत आंव; ऐई भांत एक हिया फेरबेवारे अधरमी के लाने सोई सरग में इतनी खुसी होत आय, जितनो के निन्नानबे ऐसे धरमियन के लाने नईं होत, जिन हां हिया फेरबे की जरूरत नईंयां।

- लूका 24:47

और यरूशलेम से लेके सबरी जातन में हिया फेरबे कौ और पापन की छिमा कौ परचार, ओई के नाओं से करो जै है।

- लूका 3:23

जब यीशु अपनी सेवकाई करन लगो, तो ऊ लगभग तीस बरस कौ हतो और (जैसो समजो जात आय) बो यूसुफ कौ पूत हतो; और बो एली कौ।

- लूका 5:32

मैं धर्मियन हां नईं, पर पापियन हां हिया फेरबे के लाने बुलाबे हां आओ आंव।

- लूका 9:2

और उन हां परमेसुर के राज कौ परचार करबे, और रूगियन हां साजो करबे के लाने पठैओ।

- प्रेरितन के काम 11:18

बे जौ सुनके चिमा गए, और परमेसुर की बड़ाई करके कहन लगे, तबई तो परमेसुर ने गैर यहूदियन हां भी जीबे के लाने मन फिराबे कौ बरदान दओ आय।

- प्रेरितन के काम 17:30

ई लाने मूरखता की बातन हां छोड़, परमेसुर अब हर जांगा सबरे मान्सन हां हुकम देत आय, की मन फिराबें।

- प्रेरितन के काम 2:38

पतरस ने उन से कओ, मन फिराओ, और तुम में हर एक जने अपने पापन की छिमा के लाने यीशु मसीह के नाओं से बपतिस्मा ले; तो तुम पवित्र आत्मा कौ दान पाहौ।

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- प्रेरितन के काम 26:20

पर पेंला दमिश्क के, फिर यरूशलेम के, और तब यहूदियन के सबरे परगना के रहबेवालन हां, इते लौ की गैर यहूदियन हां सोई जौई परचार करत रहो, की बे पछता के परमेसुर की कोद फिरें और मन फिराबे के जैसे काज करें।

- प्रेरितन के काम 3:19

ई लाने हिया फेरो और लौट आओ कि तुमाए पाप मिटाए जाएं, जी से पिरभु के सामूं से चैन सान्ति के दिन आएं।

- इब्रानियों 6:1

सो अब हमें समझवारो हो जाओ चईये, जौन पिरभू मसीह की पेंला की बातें नईं, परन्त बड़े हो जाबो चईये, कि समझें कि हम ने कैसे अपने बुरय कामन हां छोड़ के अपनो चित्त परमेसुर की बातन पै लगाओ।