- मत्ती 3:11 - Bundeli Holy Bible

¹¹ मैं तुम हां पानू से मन फिराबे कौ बपतिस्मा देत आंव, पर जो मोरे बाद आबेवारो आय, बो मोय से बली आय; मैं ऊकी पनईयां उठाबे के लाक नईंयां, बो तुम हां पवित्र आत्मा और आगी से बपतिस्मा दै है।

- मत्ती 3:11 ပူးပေါင်းရင်းမြစ်များ

- मत्ती 3:6

और उन ने अपने पापन हां मानो और ऊसे यरदन नदिया में बपतिस्मा लओ।

- मरकुस 1:4

यूहन्ना आओ ऊ जंगल में बपतिस्मा देत हतो, और पापन की माफी के लाने मन बदलबे के बपतिस्मा कौ परचार करत हतो।

- लूका 1:17

बो एलिय्याह की आत्मा और बल सक्ति में होकें ऊके आंगू चल है, कि पितरों कौ हिया बाल-बच्चन कुदाऊं लौटा देबे; और हुकुम न मानबेवारन हां धर्मीयन की समज पे लाबै; और पिरभु के लाने एक सई परजा तईयार करै।

- लूका 3:16

तब यूहन्ना ने उन सबरन से कओ: मैं तो तुम हां पानू से बपतिस्मा देत आंव, परन्त बो आबेवारो आय, जौन मोय से बली आय; मैं तो ई जोग नईंयां, कि ऊके जूतन के फीता खोल सकों, बो तुम हां पवित्तर आत्मा और आग से बपतिस्मा दै है।

- लूका 3:3

और बो यरदन के आसपास के प्रदेश में जाके, पापन की छिमा के लाने मन फिराओ के बपतिस्मा कौ सन्देसो देन लगो।

- यूहन्‍ना 1:15

यूहन्ना ने ऊके बारे में गवाही दई, और जोर से कई, जौ ओई आय, जीके बारे में मैंने कई, बो जौन मोरे पाछें आबेवालो आय, मोय से आंगू रै है, कायसे बो मोय से पेंला हतो।

- यूहन्‍ना 1:30

जौ ओई आय, जीके बारे में मैंने कई हती, कि मोरे पाछें एक जन आबेवारो है, जौन मोय से आंगू हो गओ आय, कायसे बो मोय से पेंला हतो।

- प्रेरितन के काम 1:5

कायसे यूहन्ना ने तो पानू से बपतिस्मा दओ आय, पर थोड़े दिना के पछारें तुम पवित्तर आत्मा से बपतिस्मा पा हौ।

- प्रेरितन के काम 19:4

ईपे पौलुस ने कई; यूहन्ना ने जा कहके लोगन हां मन फिराओ कौ बपतिस्मा दओ, की जौन मोरे पाछें आबेवालो आय, ऊ पे यानि यीशु पे भरोसा करियो।

- प्रेरितन के काम 8:36

गैल पे चलत चलत बे कौनऊ सूनसान जांगा पोंचे, तब खोजे ने कओ, तको इते पानी आय, अब मोहां बपतिस्मा लेबे हां का रोक आय।

- प्रेरितन के काम 8:38

तब ऊ ने रथ ठांड़ो करबे कौ हुकम करो, फिलिप्पुस और खोजा दोई जने पानू में उतर पड़े, और फिलिप्पुस ने ऊहां बपतिस्मा दओ।

- पैली कुरिन्थियों 12:13

कायसे कि हम सबरन ने का यहूदी, का यूनानी, चाए दास, या छुट्टा, एकई आत्मा से एक देयां होबे के लाने बपतिस्मा लओ, और हम सबरन हां एकई आत्मा पिबाओ गओ आय।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- तीतुस 3:5

सो उन ने हमाओ तरन तारन करो: जौन हमाए घरम के क रमन से नईं, जौन हम ने करे, परन्त उन की दया से भओ, जीसे हम हां नओ जीवन पवित्तर आत्मा के नये बनाबे से मिलो।

- 1 पतरस 5:5

हे नए जवानो, तुम सोई धार्मिक बूढ़ों के नेंचें रओ तुम सबरे एक दूजे के लाने दीन और नरम बनो, कायसे परमेसुर घमंडियों कौ सामनो करत आय, परन्त बो दीनो पे दया करत आय।