- मत्ती 27:4 - Bundeli Holy Bible

⁴ मैं ने पाप करो है, मैं ने निर्दोष हां पकड़वाबे कौ सौदो करो है? उन ने कई, ईसे हम हां का? तेंई जान।

- मत्ती 27:4 ပူးပေါင်းရင်းမြစ်များ

- योना 1:14

तब उनोंरन ने यहोवा परमेसुर हों चिल्‍लयाकें कई, “हे यहोवा परमेसुर हम बिनती करत आंय, कि ई मान्‍स के प्राण के संगै हमाओ नास नें होबै, और नें हमें निरदोस की हत्‍या कौ दोसी ठैरा; कायसे हे यहोवा परमेसुर, जो कछु तोरी इच्‍छा हती ओई तेंने करो आय।”

- मत्ती 27:19

और जब बो न्याव करबे गद्दी पे बैठो हतो तो ऊकी घरवारी ने ऊहां कहला पठैव, कि ई धर्मी मान्स के मामले में हाथ न डारियो; कायसे आज रात मैं ने सपने में ऊके काजें बिलात दुख उठाओ आय।

- मत्ती 27:54

तब दरोगा और जौन लोग ऊके संग्गै पहरा दै रए हते, जब उन ने भूंडोल और इन घटना हां देखो, तो बिलात डराके कई, सांची में “जौ परमेसुर कौ पूत हतो”।

- लूका 23:22

पीलातुस ने तीसरी बेर उन से कओ; काय ईने का अपराध करो आय? मैं ने ईकी जांच में ईहां मार डालबे जोग कोई लांछन नईं पाओ! ई लाने मैं ईहां चाबुक से पिटवा के छोड़ दें हों।

- लूका 23:41

हम तो करे की सई सजा पा रए आंय, कायसे हम अपने कामन कौ सई फल पा रए आंय; पर ईने कोऊ बुरओ काम नईं करो।

- लूका 23:47

सेना के अधकारी ने, जौन कछु भओ हतो तक के, परमेसुर हां धन्न कओ, और ऊ ने कओ; सांचई में जौ मान्स धरमी हतो।

- यूहन्‍ना 19:7

यहूदियन ने ऊसे कई, हमाई भी रीतियां आंय और ऊ रीतियन के अन्सार ईहां मृत्यु दन्ड मिलबो चईये, कायसे ऊ ने अपने हां परमेसुर कौ पूत कहो।

- प्रेरितन के काम 13:28

कायसे उन के ऐंगर ऊहां मार डालबे के लाने कोऊ पक्को सबूत नईं हतो, फिन भी उन ने पीलातुस से मांग करी, कि बो मार डालो जाबै।

- रोमियों 3:19

हम जानत आंय, कि नैम व्यवस्था जो कछु कैत आय उनईं से कैत आय, जौन नैम व्यवस्था के मानबेवारे आंय: ई लाने के सबरन के मों बन्द करे जाबें, और सबरो संसार परमेसुर के दण्ड के जोग ठैरे।

- 1 तीमुथियुस 4:2

ऐसी सीख उन झूठे मान्सन से आहें, मानो जिन को जी तांते लोहे से दागो गओ होबै।

- तीतुस 1:16

बे कैत तो आंय, कि परमेसुर हां चीनत आंय, परन्त ऐसे काम करत आंय मानो उन हां नईं चीनत, कायसे बे घिना आंय और कई नईं करत; और उन पै कछु साजो करत नईं बनत।

- इब्रानियों 7:26

हम हां ऐसई महायाजक चानें हतो, जौन पवित्तर, सूदे और बिना पाप के होबें, और पापी मान्सन जैसे न होबें, परन्त सरग लौ ऊंचे उठे होबें।

- 1 पतरस 1:19

पर निर्दोष और बेदाग मेमने जाने कि मसीह के अमोल रक्त से भओ।

- 1 यूहन्‍ना 3:12

कैन घांई नईं करियो जौन दुष्ट हतो, जीने अपने भईया हां मार डालो: और काय हां मार डालो? कायसे ऊ को भईया धरम की गैल चलत हतो, और ऊ दुष्टी हतो।

- यूहन्‍ना के दरसन कौ खुलासा 11:10

और धरती के रहबेवारे, उन के मरबे से मजा मौज कर हैं, और एक दूजे हां भेंट पठै हैं, कायसे इन दोई आगमवकतन ने धरती पै रहबेवारन हां सताओ हतो।