- मत्ती 26:41 - Bundeli Holy Bible

⁴¹ जागत रहियो, और प्रार्थना करत रहियो, कि तुम परीक्षा में नईं पड़ो: आत्मा तो तईयार आय, पर सरीर दुरबल आय।

- मत्ती 26:41 ပူးပေါင်းရင်းမြစ်များ

- मत्ती 24:42

ई लाने जागत रहियो, कायसे तुम नईं जानत कि तुमाओ प्रभु की दिना आ है।

- मत्ती 25:13

ई लाने जागत रहियो, कायसे तुम न तो ऊ दिन हां जानत आंव, और न ऊ बेरा हां।

- मत्ती 26:38

फिन ऊने उन से कई; मोरो मन बिलात उदास आय, इते लौ कि मैं मरबे पे आंव: तुम इतईं रुकियो, और मोरे संग्गै जगत रहियो।

- मत्ती 6:13

और हम हां परीक्षा में न डारियो, परन्त बुराई से बचाईयो; कायसे राज्य, पराक्रम और मईमा तोरी ही आंय”। आमीन।

- मरकुस 14:38

जागत और प्रार्थना करत रऔ कि तुम परीक्षा में न पड़ौ: आत्मा तो तईयार आय, पै सरीर कमजोर आय।

- लूका 11:4

और हमाए पापन हां छिमा कर, कायसे हम सोई अपने सब अपराधियन हां छिमा करत आंय, और हम हां परीक्षा में न गिरन दे।

- लूका 21:36

ई लाने जागत रओ और सबरे टैम बिन्तवाई करत रओ कि तुम इन सबरी घटनाओं से बचबे, और मान्स के पूत के सामूं ठांड़े होबे के जोग बन सको।

- लूका 22:40

ऊ जांगा पोंच के यीशु ने उन से कओ; बिन्तवाई करो, कि तुम परीक्षा में न पड़ो।

- लूका 22:46

उठो, बिन्तवाई करो, कि परीक्षा में न पड़ो।

- लूका 8:13

चट्टान पे के बे आंय, कि जब सुनत आंय, तो खुसी से बचन हां अपना तो लेत आंय, पर जड़ न पकड़बे से बे तनक देर हां बिसवास रखत आंय, पर जांच परख की बेरा डगमगा जात आंय।

- रोमियों 8:3

कायसे जौन काज नैम व्यवस्था देयां के काजें कमजोर होकें न कर सकी, ऊहां परमेसुर ने करो, जाने कि अपने पूत हां पापवारी देयां कौ रूप देके, पापबलि होबे के लाने पठैओ, देयां में पाप पे दण्ड कौ हुकम दओ।

- पैली कुरिन्थियों 10:13

तुम ऐसी कोऊ जांचबे परखबेवारी बात में नईं पड़े, जौन मान्स के सहबे के बायरें होबे: और परमेसुर सांचो आय: बो तुम हां सहबे से बायरें जांच परख में न पड़न दै है, परन्त जांच परख के संग्गै कछु उपाव सोई कर है; कि तुम सह सको।

- पैली कुरिन्थियों 16:13

हुंसयार रओ, बिसवास में पक्के बनो, संयमी जीवन जियो, बल सक्ति से भर जाओ।

- पैली कुरिन्थियों 9:27

परन्त मैं अपनी देयां को मारत कूटत, और बस में करें रैत आंव; ऐसो न होबे कि दूसरन को परचार करके, मैं खुद कोई भांत से निकम्मो ठैरों।

- गलतियों 5:24

जौन मसीह यीशु के हो गए, उन ने अपने मन हां ऊ की सबरी इच्छा और अभलाखा संग्गै क्रूस पै चढ़ा दओ।

- इफिसियों 6:18

और सबरी बेरा मन से बिन्तवारी करत रओ, सो जगत रओ, और सब तरन तारन पाए भईयन के लाने बिन्तवारी करत रओ।

- 1 पतरस 4:7

सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- 2 पतरस 2:9

सो पिरभु भक्तन हां परीक्षा में से काड़ लैबो और अधरमी जन हां न्याय के दिना लौ दण्ड़ की दसा में धरबो सोई जानत आय।

- यूहन्‍ना के दरसन कौ खुलासा 16:15

हेर, मैं भड़या घाईं आत आंव; धन्न बो आय, जो जागत रैत आय, और बो अपने उन्ना हां तके रैत आय, कि बो नंगो न फिरै, और मान्सन ऊकौ नंगापन न हेरें।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।