- मत्ती 26:10 - Bundeli Holy Bible

¹⁰ जा जानके यीशु ने उन से कई, तुम ई बईयर हां काय सतात आव? ऊने मोरे संग्गै भलाई करी आय?

- मत्ती 26:10 ပူးပေါင်းရင်းမြစ်များ

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 13:21

बे तुम हां उनकी अज्ञा मानबे और जौन अच्छो होबे, ऊहां करबे को मन हमाए भीतरे बनाबे, कि उनको मान सम्मान होत रैबे। आमीन।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- तीतुस 3:1

मान्सन हां चिताओ, कि हाकम और मालकन की कई करौ, और उन की कई मानो, और कोनऊ भलो काम होबै तो ऊहां मन से करौ।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- तीतुस 1:16

बे कैत तो आंय, कि परमेसुर हां चीनत आंय, परन्त ऐसे काम करत आंय मानो उन हां नईं चीनत, कायसे बे घिना आंय और कई नईं करत; और उन पै कछु साजो करत नईं बनत।

- 2 तीमुथियुस 2:21

जौन कोनऊं अपने हां इन बचनन से साजो राख है, तो ऊको आदर हुईये; और बो जनो मालक के काम आहै, और भले कामन में लगो रै है।

- 1 तीमुथियुस 5:10

और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- 1 तीमुथियुस 3:1

जा बात सांची आय, कि जौन मण्डली को मुखिया होबो चाहत आय, ऊ अच्छे काम करबेवारो होबै।

- 2 थिस्सलुनीकियों 2:17

बोई तुमाए मन हां सान्ति देबे, और तुम हां अच्छे काम करबे हां, और उनके कए बचन में पक्को करे।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- गलतियों 6:17

आगे कोऊ मोहां परेसान नईं करे, कायसे मैं यीशु की चिनानी हां अपनी देह में लगाए फिरत आंव।

- गलतियों 5:12

भलो होतो, कि जौन तुम हां बिलोरत आंय बे काट डाले जाबें।

- गलतियों 1:7

अकेले कोऊ और बचन नईंयां: बतकाओ ऐसो आय, कि कितेक ऐसे आंय, जौन तुम हां बिलोर देत आंय, और मसीह के बचन हां बिगाड़ो चाहत आंय।

- दूसरी कुरिन्थियों 9:8

परमेसुर सब प्रकार की दया तुम पे कर है, जीसे हर बात में हर समय पै, जो कछु तुमें चानें, बो सब तुम पे बिलात रैबे, और भले काज के लाने तुम लौ बिलात होबे।

- मरकुस 14:6

यीशु ने कओ; ऊहां छोड़ देओ; ऊहां काय सतात आव? ऊ ने तो मोरे संग्गै भलाई करी आय।

- नहेम्याह 2:18

फिन मैंने उनोंरन हों बताओ, कि मोरे यहोवा परमेसुर की किरपादृस्‍टि मोपै कैसी भई और राजा ने मोयसें का का बातें कईं हतीं। तब उनोंरन ने कई, “आओ, हम करयाई कसकें बनान लगें।” और उनोंरन ने ई भले काम हों करबे के लाने हिम्‍मत बांध लई।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- मत्ती 26:9

ईहां ऊंचे दाम में बेंच के गरीबन हां पईसा दओ जा सकत हतो।

- मत्ती 26:11

गरीब तो तुमाए संग्गै सदा रैत आंय, पर मैं तुमाए संग्गै सदा न रै हों?

- लूका 8:49

जब यीशु जौ कैई रओ हतो, कि कोऊ ने मन्दर के सरदार के घर से आके कओ, तोरी मौड़ी मर गई: गुरू हां कष्ट न दे।