अगर तोरी दांई आंख तोय से पाप करवाए, तो ऊहां काड़ के दूर मेंक दे; कायसे तोरे लाने जौई उमदा आय, कि तोरे अंग में से एक नास हो जाए, जीसे तोरो सबरो सरीर नरक में नईं डारो जाए।
काय जौ ओई बढ़ई नोंई, जौन मरियम कौ बेटा, और याकूब और योसेस और यहूदा और शमौन कौ भईया आय? और काय ऊ की बहनें इतै हमाए बीच में नईं रैतीं? ऐई से उन ने ऊके बारे में ठोकर खाई।
तब शमौन ने ऊहां आशीष देके, ऊ की मताई मरियम से कई; तक, बो तो इस्राएल में बिलात जनन के गिरबे, और उठबे के लाने, और एक ऐसो चिन्ह होबे हां ठैराओ गओ आय, जी के बिरोद में बातें कई जै हैं।
परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।
