- मत्ती 11:5 - Bundeli Holy Bible

⁵ कि अंधरे हेरत आंय और लंगड़े निगत आंय; कोढ़ी शुद्ध करे जात आंय और बहिरे सुनत आंय, मुरदा जिलाए जात आंय; और कंगालन हां भलो सन्देसो सुनाओ जात आय।

- मत्ती 11:5 ပူးပေါင်းရင်းမြစ်များ

- मत्ती 10:8

बीमारन हां साजो करियो: मरे भयन हां जिलाईयो: कोढ़ियन हां शुद्ध करियो: दुष्ट आत्मन हां काड़ियो: तुम ने सेंतमेंत पाओ आय, सेंतमेंत दईयो।

- मत्ती 11:4

यीशु ने उन से कई, कि जो कछु तुम सुनत और हेरत आव, जाके ऊकी खबर यूहन्ना हां देओ।

- मत्ती 12:13

ऊने बढ़ाओ, और बो फिन दूसरे हाथ की भांत साजो हो गओ।

- मत्ती 21:14

तब अन्धरे और लंगड़े, ऊके ऐंगर मन्दर में आए, और ऊने उन हां साजो करो।

- मत्ती 5:3

धन्न आंय बे, जौन मन के दीन आंय, कायसे सरग कौ राज्य उनईं कौ आय।

- मत्ती 9:30

और उन की आंखें खुल गईं और यीशु ने उन हां कड़ी चितावनी दैके उन से कई; हेरो जौ कोऊहां न बतईयो।

- मरकुस 7:37

और बे भौत अचम्भे में होकें कहन लगे, ऊ ने जो कछु करो आय सब अच्छो करो आय; ऊ बैहरन हां सुनबे की, और बौरन हां बोलबे की ताकत देत आय।

- मरकुस 9:25

जब यीशु ने तको, कि लोग दौड़ के भीड़ लगा रए आंय, तो ऊ ने बुरई आत्मा हां जौ कह के डांटो; कि ऐ गूंगी और बहरी आत्मा, मैं तोहां हुकम देत आंव, ऊ में से कड़ आ, और ऊ में फिन कभऊं न घुसिए।

- लूका 4:18

कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- यूहन्‍ना 10:25

यीशु ने उन से कई, मैंने तुम से कह दई, और तुम भरोसा नईं करत, जौन काज मैं अपने बाप के नाओं से करत आंव बेई मोरे बारे में गवाही देत आंय।

- यूहन्‍ना 10:38

पर जदि मैं उन हां करत आंव, तो चाए तुम मोरो भरोसा नईं करो, पर उन कामन कौ तो भरोसा करो, कि तुम जानो और समझो, कि बाप मोय में आय, और मैं बाप में आंव।

- यूहन्‍ना 2:23

जब बो फसह के परब की बेरा यरूशेलेम में हतो, तो बिलात लोगन ने उन चिन्ह हां जिन हां बो दरसात हतो, हेर के ऊके नाओं पे भरोसा करो।

- यूहन्‍ना 3:2

ऊ ने रात में यीशु के ऐंगर आके कई, हे गुरू, हम जानत आंय, कि तें परमेसुर की कोद से आओ भओ गुरू आय; कायसे इन चिन्ह हां जौन तें दिखात आय, कोऊ नईं दरसा सकत, जब लौ परमेसुर ऊके संग्गै नईं होबै।

- यूहन्‍ना 5:36

परन्त जौन गवाही मोरी आय, बो यूहन्ना की गवाही से बढ़के आय: कायसे बाप ने जिन कामन हां पूरो करबे के लाने मोय सौंपो आय, यानि बे काम जौन मैं करत आंव, बेई मोरे बारे में गवाही देत आंय, कि बाप ने मोय पठैव।

- यूहन्‍ना 9:7

ऊसे कई; जाके शीलोह के कुण्ड में धो ले, (शीलोह कौ मतलब आय पठैव भओ) ई लाने ऊ ने जाके धोओ और हेरत भओ लौट आओ।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?