- मत्ती 11:1 - Bundeli Holy Bible

¹ जब यीशु अपने बारह चेलन हां हुकुम दै चुको, तो उते से बो उन के नगरन में सीख देबे और प्रचार करबे चलो गओ।

- मत्ती 11:1 ပူးပေါင်းရင်းမြစ်များ

- मत्ती 28:20

और जौन जौन हुकुम मैं ने तुम हां दए आंय, ऊको पालन करबो सिखाओ, और तको, मैं संसारी के आखिर लौ सदा तुमाए संग्गै आंव।

- मत्ती 4:23

यीशु सबरे गलील में निंगत भओ उन के सभाघरन में सन्देस देत और राज्य कौ सन्देसो सुनाउत, और लोगन की हर एक बीमारियन हां और हर तरहां की कमजोरियन हां दूर करत रहो।

- मत्ती 7:28

जब यीशु जे बातन कह चुको, तो भीड़ ऊके सन्देसे से चकरया गई।

- मत्ती 9:35

यीशु सब नगरन और गांवन में जाके उन के प्रार्थनाघरन में प्रवचन देत, और राज्य के सन्देस कौ प्रचार करत भओ, और सब भांत की बीमरियन और हर तरह की कमजोरिन हां दूर करत रओ।

- मरकुस 6:12

और उन ने जाके प्रचार करो, कि मन बदलो।

- लूका 23:5

पर बे औरें और जोर लगा के कैन लगे, ईने गलील प्रदेश से लेके इते लौ सबरे यहूदा प्रदेश में परचार कर कर के मान्सन हां भड़का दओ आय।

- लूका 8:1

ईके पांछू यीशु तुरतऊं नगर नगर और गांव गांव परचार करत भओ, और परमेसुर के राज कौ भलो सन्देसो सुनात भओ, फिरन लगो।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 15:14

जौन हुकम मैं तुम हां देत आंव, अगर ऊहां मानो, तो तुम मोरे चेला कहा हौ।

- प्रेरितन के काम 1:2

ऊ दिना लौ जब बो उन प्रेरितन हां जिन हां ऊ ने नबेरो हतो, पवित्तर आत्मा के द्वारा हुकम देके ऊ परै उठाओ न गओ।

- प्रेरितन के काम 10:38

परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 10:42

और ऊ ने हम हां हुकम करो, कि मान्सन में परचार करो; और गवाय दो, कि बो ओई आय; जीहां परमेसुर ने जीयत भए और मरे भयन कौ न्यायी ठहराओ आय।

- 1 थिस्सलुनीकियों 4:2

तुम हां पता आय, कि हम ने तुम हां यीशु मसीह की कौन कौन अग्या बताई आंय।

- 2 थिस्सलुनीकियों 3:10

और जब हम तुमाए लौ हते, तो जा सीख तुम हां दई हती, कि कोई जनो काम न करो चाहे, तो ऊहां खैबे न दईयो।

- 2 थिस्सलुनीकियों 3:6

भईया हरौ, हम पिरभू यीशु मसीह के नाओं से तुम हां अग्यां देत आंय; कि जो भईया बुरई चाल चले, और जौन सीख ऊ ने हम से पाई ऊहां नईं मानत, ऊसे बच के रओ।

- 1 तीमुथियुस 6:14

कि तें हमाए पिरभू यीशु मसीह के परगट होबे तक ई आदेस हां बिना कलंक के और निरदोस राख।