- लूका 8:44 - Bundeli Holy Bible

⁴⁴ ऊ ने यीशु के पांछू से आके यीशु के उन्ना के छोर हां छुओ, और तुरतंई ऊकौ रकत बहवो बन्द हो गओ।

- लूका 8:44 ပူးပေါင်းရင်းမြစ်များ

- मत्ती 20:34

यीशु ने दया करके उन की आंखन हां छिओ, और बे तुरतईं हेरन लगे; और ऊके पाछें हो लए।

- मत्ती 8:3

यीशु ने हाथ बढ़ाके ऊहां छुओ, और कई, मैं चाहत आंव, कि तें शुद्ध हो जा और बो तुरतईं साजो हो गओ।

- मत्ती 9:20

और हेरो, एक बईयर ने जौन बारह बरसन से खून बहवे की बीमारी से दुखी हती, ऊके पाछें से आके ऊको चोगा कौ सिरा छू लओ।

- मरकुस 6:56

और जहां कऊं ऊ गांवन, नगरन में, या बस्तियन में जात हतो, तो मान्सन बीमारन हां बजारन में रख के ऊसे बिनती करत हते, कि बो उनहां अपने उन्ना के छोर हां छू लैन दे, और जितने ऊहां छुअत हते, सबरे ठीक हो जात हते।

- लूका 13:13

तब यीशु ने ऊ पे हाथ धरे, और बा तुरतऊं सूदी हो गई, और परमेसुर कौ जस गान लगी।

- लूका 7:38

ऊके गोड़न के ऐंगर, बो रोत भई, पाछूं ठांड़ी होकें ऊके गोड़न हां अंसुअन से भिगोन लगी, और अपने मूड़ के बाल से पोंछन लगी और ऊके गोड़े बेर-बेर चूम के उन पे इत्र मलो।

- लूका 8:43

और एक बईयर जीहां बारह बरस से रकत बहवे कौ रोग हतो, और बो अपनी सबरी कमाई बैद्यों के पांछू लगा चुकी हती, पर कौनऊं के हाथ से साजी न हो पाई हती।

- लूका 8:45

ई पे यीशु ने कओ, मोय की ने छुओ? जब सबरे मुकरन लगे, तो पतरस और ऊके संगियन ने कओ; हे स्वामी, तोय तो भीड़ दबाए डालत आय और तो पे गिरी पड़ रई आय।

- यूहन्‍ना 5:13

परन्त जौन साजो हो गओ हतो, नईं जानत हतो कि बो को आय; कायसे उते भीड़ के काजें यीशु ऊ जांगा से चलो गओ हतो।

- प्रेरितन के काम 19:12

इते लौ की ऊके सरीर से छुए भए रूमाल और अंगोछा बीमारन पे डाल दए जात हते, और उन की बीमारियां दूर हो जात हतीं; और दुष्ट आत्माएं उन में से कड़ जात हतीं।

- प्रेरितन के काम 5:15

इते लौ कि मान्स रूगियन हां गैल में गोला पे लिया के, चारपाई और खटोलों पे पार देत हते, कि जब पतरस आबै, तो ऊ की छांई उन में से कोई पे पड़ जाबै।