- लूका 8:43 - Bundeli Holy Bible

⁴³ और एक बईयर जीहां बारह बरस से रकत बहवे कौ रोग हतो, और बो अपनी सबरी कमाई बैद्यों के पांछू लगा चुकी हती, पर कौनऊं के हाथ से साजी न हो पाई हती।

- लूका 8:43 ပူးပေါင်းရင်းမြစ်များ

- मरकुस 12:44

कायसे सब ने अपने धन की बढ़ोत्तरी में से डालो आय, लेकिन ईनें अपनी घटी में से जौन ऊकौ हतो, यानी पूरी कमाई डाल दई आय।

- मरकुस 9:18

जां कऊं बा ऊहां पकड़त आय, उतईं पटक देत आय: और ऊ मों में फैन भर लाऊत, और दांत पीसत, और सूकत जात आय; और मैंने तोरे चेलन से कओ हतो कि बे ऊहां निकाल देबें लेकिन बे निकाल नईं पाए।

- लूका 13:11

और उते एक बईयर हती, जिए अठारह बरस से एक कमजोर दुर्बल करबेवारी दुष्ट आत्मा लगी हती, और बो कुबड़ी हो गई हती, और कौनऊं भांत सूदी न हो सकत हती।

- लूका 13:16

तो का जौ सई न हतो, कि जा बईयर जौन इब्राहीम की बेटी आय जीहां छलिया शैतान ने अठारह बरस से बान्ध रखो हतो, सब्त के दिना ई बन्धन से छुड़ाई जाती?

- लूका 8:27

जब यीशु कगार पे उतरो, तो ऊ नगर कौ एक मान्स ऊहां मिलो, ऊ मान्स में दुष्ट आत्माएं हतीं और बिलात दिना से बो न उन्ना पैरत हतो और न घर में रैत हतो, पर कब्रों में रओ करत हतो।

- लूका 8:42

कायसे ऊ की बारह वर्ष की इकलौती मौड़ी हती, और बो मरबे पे हती: जब यीशु जा रओ हतो, तब मान्स ऊपे गिरे पड़त हते।

- लूका 8:44

ऊ ने यीशु के पांछू से आके यीशु के उन्ना के छोर हां छुओ, और तुरतंई ऊकौ रकत बहवो बन्द हो गओ।

- यूहन्‍ना 9:1

फिन जात भय यीशु ने एक मान्स हां देखो, जौन जन्म से अन्धरो हतो।

- यूहन्‍ना 9:21

पर अब बो कैसे हेरन लगो; हम नईं जानत, कीने ऊ की आंखें खोलीं; ओई से पूंछो; बो सियानो आय और बो अपने बारे में खुद बता दै है।

- प्रेरितन के काम 3:2

और मान्स एक जन्म के लंगड़ा हां ला रए हते, जीहां बे रोजीना मन्दर के ऊ दोरे पे जौन सुन्दर कहात आय, बैठा देत हते, कि ऊ मन्दर में जाबेवारन से भीख मांगे।

- प्रेरितन के काम 4:22

ऊ मान्स, जौन साजो भओ हतो जी पे जा बात घटी हती, चालीस बरस से अधिक उमर कौ हतो।