- लूका 7:34 - Bundeli Holy Bible

³⁴ मान्स कौ पूत खात-पियत आओ आय; और तुम कैत आव, तको, पेटू और पियक्कड़ मान्स, चुंगी लेबेवारों कौ और अधर्मियन कौ मीत।

- लूका 7:34 ပူးပေါင်းရင်းမြစ်များ

- मत्ती 11:19

मान्स कौ पूत खात पीयत आओ, और बे कहत आंय कि हेरो, पेटू और पियक्कड़ मान्स, चुंगी लेबेवारन और पापियन कौ संगी, पर बुद्धि अपने कामन से सांची ठहराई गई आय।

- मत्ती 5:46

कायसे जदि तुम ऊसे प्रेम करत आव जौन तुम से प्रेम करत आय, तो तुम हां का फल मिल है? का चुंगी लेबेवाले भी ऐसई नईं करत?

- मत्ती 9:11

जब फरीसियन ने जौ तको तो ऊके चेलन से कई; तुमाओ गुरू चुंगी लेबेवारन और पापियन के संग्गै काय खात है?

- लूका 11:37

जब बो बातें कर रओ हतो, तो कोऊ फरीसी ने ऊसे बिन्ती करी, कि मोरे घरै खाना खा; और बो भीतर जाके खाना खाबे हां बिराज गओ।

- लूका 14:1

फिन यीशु सब्त के दिना धरम पण्डतन के मुखियन में से कोऊ के घरै रोटी खाबे गओ: और बे औरें ऊ की ताक में हते।

- लूका 15:2

और धरम पण्डत और शास्त्र पण्डत कुड़कुड़ा के कै न लगे, कि जौ तो अधरमी मान्सन से मिलत आय और उन के संग्गै खात सोई आय।

- लूका 19:7

जौ तक के सबरे मान्स कुड़कुड़ा के कैन लगे, बो तो एक पापी मान्स के घरै जा उतरो आय।

- लूका 5:29

तब लेवी ने अपने घर में यीशु के लाने एक बड़ो भोज दओ; और चुंगी लेबेवारन कौ और औरन मान्सन कौ जौन ऊके संग्गै जेबे हां बिराजे हते, एक बड़ो झुण्ड हतो।

- लूका 7:33

काय से यूहन्ना बपतिस्मा देबेवारो न रोटी खात आओ, और न दाख कौ रस पीयत आओ, और तुम कैत आव, ऊ में दुष्ट आत्मा आय।

- लूका 7:35

पर बुद्धि अपनी सबरी सन्तानों से सांची ठैराई गई आय।

- लूका 7:36

फिन कोऊ फरीसी ने यीशु से बिन्तवाई करी, कि मोरे संग्गै भोजन कर; सो बो ऊ फरीसी के घरै जाके भोजन करबे हां बिराजो।

- यूहन्‍ना 12:2

ऊके लाने उतईं, खाबे हां रोटी बनी, और मरथा पहुनाई कर रई हती, ऊके संग्गै जौन खाबे हां बैठे हते, उन में से लाजर एक हतो।

- यूहन्‍ना 2:2

यीशु और ऊके चेले सोई ब्याव के बुलौआ में आए हते।