- लूका 7:22 - Bundeli Holy Bible

²² फिन उन से कओ; जौन कछु तुम ने तको और सुनो आय, जाके यूहन्ना से कै दो; कि अंधरा तकत आंय, लगड़े निंगत फिरत आंय, कोढ़ी शुद्ध करे जात आंय, बहिरे सुनत आंय, मुरदे जिलाए जात आंय; और गरीब गुरवन हां भलो सन्देसो सुनाओ जात आय।

- लूका 7:22 ပူးပေါင်းရင်းမြစ်များ

- मत्ती 11:5

कि अंधरे हेरत आंय और लंगड़े निगत आंय; कोढ़ी शुद्ध करे जात आंय और बहिरे सुनत आंय, मुरदा जिलाए जात आंय; और कंगालन हां भलो सन्देसो सुनाओ जात आय।

- मत्ती 21:14

तब अन्धरे और लंगड़े, ऊके ऐंगर मन्दर में आए, और ऊने उन हां साजो करो।

- लूका 4:18

कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- लूका 7:21

ओई बेरा यीशु ने बिलात जन हां रोगों, और पीड़ा दुख और बुरई आत्माओं से छुड़ाओ; और यीशु ने बिलात अंधरन हां आंखें दईं।

- लूका 7:23

और धन्न आय बो, जौन मोरे काजें ठोकर न खाबै।

- यूहन्‍ना 1:46

नतनएल ने ऊसे कई, भला नासरत से भी कोई उमदा बसत कड़ सकत आय? फिलिप्पुस ने ऊसे कई, आके तक ले।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- प्रेरितन के काम 8:7

कायसे कुल्ल जनन में से अशुद्ध आत्माएं जोर से चिल्याऊ त भईं कड़ गईं, और बिलात लकवा के रोगी और लंगड़े सोई साजे करे गए।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?