- लूका 6:47 - Bundeli Holy Bible

⁴⁷ जौन कोई मोरे लौ आत आय, और मोरी बातें सुन के उन हां मानत आय, मैं तुम हां बतात आंव बो की के समान आय?

- लूका 6:47 ပူးပေါင်းရင်းမြစ်များ

- मत्ती 12:50

कायसे जौन कोऊ मोरे बाप हां जौन सरग में आय उनकी मनसा पूरी करत आय, ओई मोरो भईया और मोरी बहन और मोरी मताई आय।

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- लूका 11:28

यीशु ने उत्तर दओ, हओ; पर धन्न बे आंय, जौन परमेसुर कौ बचन सुनत और मानत आएं।

- लूका 14:26

जदि कोऊ मोरे ऐंगर आबे, और अपने बाप और मताई और अपनी ब्यावता और बच्चन और भाईयन और बहनों और अपने प्रान को सोई अप्रिय न जाने, तो बो मोरो चेला नईं हो सकत।

- लूका 6:48

बो ऊ मान्स के समान आय, जी ने घर बनाती बेरा माटी गैरी खोद के चट्टान पे खचव डाली, और जब बाढ़ आई और हिलोर कौ पानू ऊसे टकराओ, पर ऊहां हला न सकी; कायसे बो पक्को बनो हतो।

- लूका 8:13

चट्टान पे के बे आंय, कि जब सुनत आंय, तो खुसी से बचन हां अपना तो लेत आंय, पर जड़ न पकड़बे से बे तनक देर हां बिसवास रखत आंय, पर जांच परख की बेरा डगमगा जात आंय।

- लूका 8:8

कछु सई खेत में गिरो, और जमो और जम के सौ गुना फल लाओ: जौ कै कें, ऊ ने जोर से टेर के कओ; जी के सुनबे हां कान होबें बे सुन लेबें।

- यूहन्‍ना 10:27

मोरी गाड़रें मोरो एैरो सुनत आंय, मैं उन हां चीनत आंव, और बे मोरे पाछें पाछें निगत आंय।

- यूहन्‍ना 13:17

तुम इन बातन हां जानत आव, और जदि उन पे चलो, तो तुम धन्य आव।

- यूहन्‍ना 14:15

जदि तुम मोसे प्रेम रखत आव, तो मोरी अग्या को मान हौ।

- यूहन्‍ना 5:40

और तुम मोरे ऐंगर आबो नईं चाहत कि जीवन पाओ।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- यूहन्‍ना 8:52

यहूदियन ने ऊसे कई, अब हम जान गए आंय कि तो में दुष्ट आत्मा आय: इब्राहीम मर गओ, और अगमवकता सोई मर गए और तें कहत आय, कि अगर कोऊ मोरे बचन कौ पालन कर है, तो बो कभऊं मृत्यु कौ स्वाद नईं चख है।

- इब्रानियों 5:9

और सबरे दुख हां सह के, अपने सबरे मानबेवारन को तरन तारन करो।

- याकूब 4:17

ई लाने जौन कोई भलाई करबो जानत आय और नईं करत, ऊके लाने जा बात पाप आय।

- 1 पतरस 2:4

ऊके ऐंगर आके, जिए मान्सन ने तो बिना काम कौ ठैराओ, परन्त परमेसुर के ऐंगर नबेरो भओ, और बिलात मोल कौ जीयत पथरा आय।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 1 यूहन्‍ना 2:29

कायसे जो तुम मानत आव, कि बे सांचे आंय, तो तुम जौ सोई जानत आव, कि जौन धरम की गैल धरै आय, बो मानो उनईं को आय।

- 1 यूहन्‍ना 3:7

लड़को, कोऊ के भरमाबे की बातन में न अईयो; जौन मान्स धरम के काम करत आय, ओई उन जैसो धरमी आय।

- यूहन्‍ना के दरसन कौ खुलासा 22:14

धन्न बे आंय, जो अपने उन्ना फींच लेत आंय, कायसे उन हां जीवन के पेड़ लौ जाबे को अधकार मिल है, और बे फाटकों में से होकें नगर के भीतर आहें।