- लूका 6:24 - Bundeli Holy Bible

²⁴ पर हाय तुम पै; जौन मालपानू वारे आव, कायसे तुम अपने सुख भोग चुके।

- लूका 6:24 ပူးပေါင်းရင်းမြစ်များ

- मत्ती 6:16

जब तुम उपास करौ, तो कपटियन घांई तुमाए मों पे उदासी नईं दिखै, कायसे बे अपनो मों बनाए रहत आंय, जीसे मान्स उन हां उपासो जानें; मैं तुम से सांची कहत आंव, कि बे अपनो फल पा चुके।

- मत्ती 6:2

ई लाने जब तें दान पुन्न करे, तो अपने आंगू बाजे न बजवा, जैसो कपटी सभाओं और गैलों में करत आंय, जीसे लोगबाग उन की बड़वाई करें, मैं तुम से सांची सांची कैत आंव, कि बे अपनो फल पा चुके आंय।

- मत्ती 6:5

जब तें बिन्तवाई करे, तो कपटियों जैसो न बन कायसे मान्सन हां दिखाबे के लाने सभाघरन और गैलों के मोड़ पे ठांड़े होकें बिन्तवाई करबो उन हां उमदा लगत आय; मैं तुम से सांची कैत आंव, कि बे अपनो फल पा चुके।

- लूका 6:25

हाय तुम पै; जो अब अफरे आव, कायसे भूखे हुईयो: हाय तुम पै; जौन अब हंसत आव, कायसे अफसोस कर हौ और रो हौ।

- 1 तीमुथियुस 6:17

ई संसार के मालदारों को आदेस दे, कि बे घमण्डी न होबें और धन कौ लालच न करें, पर परमेसुर पर जो हमाए सुख के लाने सब कछु बिलात देत आय।

- याकूब 2:6

पर तुम ने अपने पिच्छवारी के बैवार से ऊ गरीब कौ अपमान करो: का धनी मान्स तुम पे अत्याचार नईं करत, का बेई तुम हां कचारियन में कड़ोर कड़ोर के नईं ले जात।