- लूका 6:21 - Bundeli Holy Bible

²¹ धन्य आव तुम, जौन अब भूखे आव; कायसे अफराए जै हो, धन्न आव तुम, जौन अब रोऊत आव, कायसे तुम हंस हौ।

- लूका 6:21 ပူးပေါင်းရင်းမြစ်များ

- उत्पत्ति 17:17

तब अब्राहम मों के बल गिर पड़ो और हंसो, और मनई मन कैन लगो, “का सौ साल के मान्‍स के इतै संतान हुईये और का सारा जो नब्‍बे साल की आय मोंड़ा जनहै?”

- उत्पत्ति 21:6

सारा ने कई, “यहोवा परमेसुर ने मोहों जौन बरदान दओ; ई लाने सबरे सुनबेवारे भी मोरे संगै बेजा खुस हुईयें।”

- मत्ती 5:4

धन्न आंय बे, जौन रंज करत आंय, कायसे उनहां सान्ति मिल है।

- मत्ती 5:6

धन्न आंय बे, जौन धर्म के भूखे और प्यासे हैं, कायसे बे अफर जें हैं।

- लूका 1:53

ऊ ने भूखन हां भोजन से अफरा दओ, और मालपानू वारन हां छूंछे हांथ काड़ दओ।

- लूका 6:20

तब यीशु ने अपने चेलन कुदाऊं तक के कओ; धन्न आव तुम, जौन नरम दीन आव, कायसे परमेसुर कौ राज तुमाओ आय।

- लूका 6:22

धन्न आव तुम, जब मान्स के पूत के काजें मान्स तुम से बैर कर हैं, और तुम हां काड़ दै हैं, और तुमाई बुराई कर हैं, और तुमाओ नाओं बुरओ जान के काट दें हैं।

- लूका 6:25

हाय तुम पै; जो अब अफरे आव, कायसे भूखे हुईयो: हाय तुम पै; जौन अब हंसत आव, कायसे अफसोस कर हौ और रो हौ।

- यूहन्‍ना 11:35

यीशु रो पड़ो।

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- पैली कुरिन्थियों 4:11

हम अबै लौ भूखे प्यासे और उधाड़े आंय, घूंसा खात आंय और भैराने से फिरत आंय; अपने ई हाथन से काम करके मैनत करत आंय।

- दूसरी कुरिन्थियों 11:27

मैनत करत दुख में; बेर बेर जागत रैबे में; भूखे पियासे में; बेर बेर उपासे रैबे में; जड़कारे में; खुले में रैबे में।

- दूसरी कुरिन्थियों 12:10

ईसे में मसीह के लाने कमजोरी में, और निन्दा में, और कंगाली में, और विरोध में, पिराते में खुस आंव; कायसे जब मैं कमजोर लगत आंव, तबई मजबूत होत आंव।

- दूसरी कुरिन्थियों 6:10

रोबेवारन जैसे आंय, अकेले खुस रैत आंय; कंगाल जैसे लगत, अकेले बिलात जन हां पईसावारे बना देत आंय, ऐसे दिखात मानों हमाए ऐंगर कछु नईंयां अकेले सब कछु धरो आय।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- यूहन्‍ना के दरसन कौ खुलासा 21:3

फिन मैंने सिंहासन में से कोऊ हां जा टेर लगात सुनो, कि हेर, कि परमेसुर कौ डेरा मान्सन के बीच में आय; और मान्सन उनके संग्गै रै हैं, और बे मान्सन के परमेसुर कहा हैं।

- यूहन्‍ना के दरसन कौ खुलासा 7:16

अब इन हां न भूख लग है, और न प्यास और न उन पे सूरज की तपन पड़ है।