- लूका 6:20 - Bundeli Holy Bible

²⁰ तब यीशु ने अपने चेलन कुदाऊं तक के कओ; धन्न आव तुम, जौन नरम दीन आव, कायसे परमेसुर कौ राज तुमाओ आय।

- लूका 6:20 ပူးပေါင်းရင်းမြစ်များ

- मत्ती 11:5

कि अंधरे हेरत आंय और लंगड़े निगत आंय; कोढ़ी शुद्ध करे जात आंय और बहिरे सुनत आंय, मुरदा जिलाए जात आंय; और कंगालन हां भलो सन्देसो सुनाओ जात आय।

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- मत्ती 5:1

बो ई भीड़ हां हेरके, पहरवा पे चढ़ गओ; और जब बैठ गओ, ऊके चेला ऊके ऐंगर आए।

- लूका 12:32

हे हलके झुण्ड़, न डर; कायसे तुमाए बाप हां जौ साजो लगो आय, कि राज तुम हां दे।

- लूका 13:28

उते रोबो और दांत पीसबो हुईये: जब तुम इब्राहीम और इसहाक और याकूब और सबरे आगमवकतन हां परमेसुर के राज में बिराजे, और अपने आप हां बायरें काड़ो भओ तक हौ।

- लूका 14:15

यीशु के संग्गै भोजन करबेवारन में से एक ने जे बातें सुन के ऊसे कओ, धन्न आय बो, जौन परमेसुर के राज में रोटी खै है।

- लूका 16:25

पर इब्राहीम ने कओ; हे पूत सुमरन कर, कि तें अपने जीयत में साजी बस्तें ले चुको आय, ऊंसई लाजर बुरई बस्तें: पर अब बो इते सान्ति पा रओ आय, और तें तड़प रओ आय।

- लूका 4:18

कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- दूसरी कुरिन्थियों 6:10

रोबेवारन जैसे आंय, अकेले खुस रैत आंय; कंगाल जैसे लगत, अकेले बिलात जन हां पईसावारे बना देत आंय, ऐसे दिखात मानों हमाए ऐंगर कछु नईंयां अकेले सब कछु धरो आय।

- दूसरी कुरिन्थियों 8:2

कै तंगी में से कड़ के उन हां बड़ो आनन्द मिलो, और गरीबी बढ़बे पे उन ने और खुल के दओ।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- 1 थिस्सलुनीकियों 1:6

और तुम ने बड़े दुख में परन्त पवित्तर आत्मा में खुसी से बचन हां अपने मन से मानो और हमाए जैसो चले।

- 2 थिस्सलुनीकियों 1:5

ईसे जौ पता लगत आय; कि परमेसुर सच्चो न्यायी आय, और ईसे पक्को हो गओ कि तुम परमेसुर के राज्य के लायक आओ, जीके काजें तुम दुख सोई उठात आव।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।