- लूका 4:18 - Bundeli Holy Bible

¹⁸ कि पिरभु कौ आत्मा मोपे आय, ई लाने कि ऊ ने गरीब-गुरवन हां भलो सन्देसो सुनाबे के लाने मोरो अभिषेक करो आय, और मोय ई लाने पठैओ आय, कि जौन बन्धुए आंय उन हां छुटकारे कौ और अन्धरन हां तकबे कौ भलो सन्देसो सुनाऔ और कुचले भए हां छुड़ाओं।

- लूका 4:18 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मत्ती 11:5

कि अंधरे हेरत आंय और लंगड़े निगत आंय; कोढ़ी शुद्ध करे जात आंय और बहिरे सुनत आंय, मुरदा जिलाए जात आंय; और कंगालन हां भलो सन्देसो सुनाओ जात आय।

- मत्ती 12:18

कि हेरो, जौ मोरो भक्त आय, जीहां मैं ने नबेरो आय; मोरो प्यारो, जीसे मोरो हिया खुस आय: मैं ऊपे अपनो आत्मा डार हों; और बो अन्य जातियन हां सही न्याव की खबर दै है।

- मत्ती 12:20

बो कुचले भए सरकन्डे हां न तोड़ है; और टिमटिमात भए उजयारे हां न बुझा है, जब लौ बो न्याव हां न जीत ले।

- मत्ती 4:16

जौन मान्स अन्धयारे में बैठे हते उन ने बड़ो उजेरो तको; और जो मृत्यु के देश और छांव में बैठे हते, उन पे एक उजयारो चमको।

- मत्ती 5:3

धन्न आंय बे, जौन मन के दीन आंय, कायसे सरग कौ राज्य उनईं कौ आय।

- लूका 4:17

यशायाह अगमवकता की पोथी ऊहां दई गई, यीशु ने पोथी खोल के बा जांगा काड़ी जिते जौ लिखो हतो।

- लूका 6:20

तब यीशु ने अपने चेलन कुदाऊं तक के कओ; धन्न आव तुम, जौन नरम दीन आव, कायसे परमेसुर कौ राज तुमाओ आय।

- लूका 7:22

फिन उन से कओ; जौन कछु तुम ने तको और सुनो आय, जाके यूहन्ना से कै दो; कि अंधरा तकत आंय, लगड़े निंगत फिरत आंय, कोढ़ी शुद्ध करे जात आंय, बहिरे सुनत आंय, मुरदे जिलाए जात आंय; और गरीब गुरवन हां भलो सन्देसो सुनाओ जात आय।

- यूहन्‍ना 1:41

ऊ ने पेंला अपने सगे भईया शमौन से मिलके ऊसे कई, हम हां मसीह मिल गओ आय।

- यूहन्‍ना 12:46

मैं ज्योत आंव, और जगत में आओ हों कि जो कोऊ मोय में भरोसाधरै, बो अन्धयारे में न रए।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- प्रेरितन के काम 10:38

परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- प्रेरितन के काम 4:26

पिरभु और ऊके मसीह के विरोद में संसार के राजा ठांड़े भए, और हाकम एक संग्गै जुड़ गए।

- प्रेरितन के काम 4:27

कायसे कि सांची में तोरे चाकर यीशु के विरोद में, जौन को तेंने अभिषेक करो, हेरोदेस और पुन्तियुस पिलातुस सोई दूसरी जातवारन और इस्राएलियन के संग्गै ई नगर में जुड़े।

- कुलुस्सियों 1:13

उनई ने हम हां शैतान के अंधियारे से छुड़ा के अपने प्यारे बेटा यीशु मसीह के राज में जोड़ दओ।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।