- लूका 24:44 - Bundeli Holy Bible

⁴⁴ फिन यीशु ने उन से कओ, जे मोरी बे बातें आंय, जौन मैं ने तुमाए संग्गै रैत भए तुम से कईं हतीं, कि जरूरी आय, कि जितेक बातें मूसा की नैम व्यवस्था और आगमवकतन और भजनों की पोथी में, मोरे लाने लिखी आंय, सबरी पूरी होबें।

- लूका 24:44 ပူးပေါင်းရင်းမြစ်များ

- उत्पत्ति 14:18

तब शालेम कौ राजा मलिकिसिदक, जो परमपरधान यहोवा परमेसुर कौ याजक हतो, रोटी और दाख कौ रस ल्‍याओ।

- उत्पत्ति 22:18

और पृथ्‍वी की सबरी जातियन अपने हों तोरे बंस के कारन धन्‍य मानहें; कायसे तेंने मोरी बात मानी आय।”

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- उत्पत्ति 49:10

जब लौ शीलो नें आए तब लौ नें तौ यहूदा सें राजदण्‍ड छूटहै, नें ऊके बंस सें ब्‍यवस्‍था दैबेवारो अलग हुईये; और राज्‍य-राज्‍य के मान्‍सन ऊके बस में हो जैहें।

- मत्ती 1:22

जौ सब ई काजें भओ कि जो बचन पिरभु के आगमवकता ने कहे हते; बो पूरे होबें।

- मत्ती 16:21

ऊ बेरा से यीशु मसीह अपने चेलन हां बतान लगो, कि जरूरी आय, कि मैं यरूशलेम हां जाओं, और पुरनियन, महापुरोहितन और शास्त्रियन द्वारा बिलात दुख उठाओं; और मार डारो जाओं; और तीसरे दिना जी जाओं।

- मत्ती 26:54

पर तब धर्मशास्त्र कौ लिखो कैसो पूरो हुईये, कि एैसई होबो जरूरी आय?

- मत्ती 26:56

पर जौ सब ई लाने भओ आय, कि आगमवकतन कौ लिखो पूरो होबै। तब सब चेले ऊहां छोड़ के भग गए।

- मरकुस 9:31

कायसे कि ऊ अपने चेलन हां उपदेस देत और उन से कहत हतो, कि मान्स कौ बेटा मान्सन के हाथन में पकड़वाओ जै है, और बे ऊहां मार डाल हैं, और ऊ मरबे के तीन दिना बाद जी उठ है।

- लूका 21:22

कायसे बे दांड़ के दिना ऐसे हुईयें, जिन में धरम पोथी में लिखी भई सबरी बातें पूरी हो जें हैं।

- लूका 22:37

कायसे मैं तुम से कैत आंव, कि धरम पोथी में जौन लिखो आय, कि बो अपराधियन के संग्गै लेखो गओ, ऊकौ मो में पूरो होबो जरूरी आय; कायसे मोरे बारे में धरम पोथी में लिखी भई बातें पूरी होबे हां आंय।

- लूका 24:46

और उन से कओ, ऐसो लिखो आय; कि मसीह पीड़ा झेल है; और तीसरे दिना मरे भयन में से जी उठ है।

- लूका 9:22

फिन यीशु ने कओ, मान्स के पूत के लाने जरूरी आय, कि बिलात पीड़ा झेले, और बूढ़े पुराने धरम महापण्डत, और धरम ज्ञानी ऊ ए ओछो जान के मार डालें, और बो तीसरे दिना जी उठै।

- लूका 9:44

सो जब सबरे मान्स उन सबरे कामन से जौन यीशु करत हतो, चकित हते, तो ऊ ने अपने चेलन से कओ; जे बातें तुमाए कानन में पड़ी रएं, कायसे मान्स कौ पूत मान्सन के हाथ में पकड़वाए जाबे हां आय।

- यूहन्‍ना 3:14

और जैसो मूसा ने डांग में सर्प हां ऊंचे पे टांगो, वैसई जरूरी आय कि मान्स कौ पूत भी ऊंचे पे चढ़ाओ जाबै।

- यूहन्‍ना 5:39

तुम पवित्र शास्त्र में खोजत आव, कायसे तुम सोचत आव कि ऊ में अनन्त जीवन मिलत आय, और जे ओई आंय, जौन मोरे बारे में गवाही देत आय।

- यूहन्‍ना 5:46

कायसे जदि मूसा कौ भरोसा करते, तो मोरो भी भरोसा करते, कायसे ऊ ने मोरे बारे में लिखो आय।

- प्रेरितन के काम 13:33

कि परमेसुर ने यीशु हां जिला के, ओई बात हां हमाई लड़ेर के लाने पूरी करी, जैसो कि दूसरे भजन में भी लिखो आय, तें मोरो पूत आय; आजई मैंने तोय जन्म दओ आय।

- प्रेरितन के काम 13:40

ई लाने होसियार रहियो, कि कहूं आगमवक्तन कौ कहबो तुम पे घटित न हो जाबै।

- प्रेरितन के काम 2:27

कायसे तें मोरे प्रानन हां अधोलोक में न छोड़ है; और न अपने पवित्तर जन हां सड़ने दै है।

- प्रेरितन के काम 3:18

पर जिन बातन हां परमेसुर ने सबरे अगमवकतन के मों से पहलेई बता दओ हतो, कि ऊकौ मसीह पीड़ा झेल है; और उन हां ऊ ने ई भांत पूरो करो।

- प्रेरितन के काम 7:37

जौ ओई मूसा आय, जीने इस्राएलियन से कओ; परमेसुर तुमाए भाईयन में से तुमाए लाने मोरे जैसो एक अगमवकता उठा है।

- इब्रानियों 10:1

मूसा के नैम आबेवारी बातन की छाया आय, जा छाया अपने में अच्छी नईंयां, कायसे इन से मान्स पाप से नईं छूटत, जौन बलदान हर बरस करने पड़त आंय, उन मान्सन हां कभऊं सुद्ध नईं कर सकत।

- इब्रानियों 3:5

मूसा अपने लोगन के बीच सेवा करबे में साजे हते, उन ने आगे आबेवारी सबरी बातें बता दईं।

- इब्रानियों 7:1

मलिकिसिदक सालेम को राजा और परमेसुर को याजक हतो, जब इब्राहीम राजाओं हां हरा के लौटो, तो ऐई ने ऊहां असीसो हतो।

- इब्रानियों 9:8

इन बातन से पवित्तर आत्मा ऐसो कैत आय, कि जब लौ पेंलावारो तम्बू मैं ध्यान मनन होत हतो, जब लौ पवित्तर जांगा को रास्ता सबरन हां नईं पता चलो।

- 1 पतरस 1:11

उन ने ई बात की खोज करी कि मसीह की आत्मा जौन उन में हती, और पेंलई से मसीह की पीड़ा की और ऊके पाछें होबेवारी मईमा की गवाई देत हतो, बो कौन से और कैसे टैम कुदाऊं इसारो करत हतो।

- यूहन्‍ना के दरसन कौ खुलासा 19:10

और मैं दण्डवत करबे के लाने ऊके गोड़ों पै गिरो; ऊ ने मोय से कई; हेर, ऐसो न कर, कायसे मैं जो पिरभू को परचार करत आंव उनईं में से एक आंव, केवल परमेसुर के सामूं झुको; कायसे ईसा मसीह कौ परचार आगमवानी की आत्मा आय।