- लूका 23:34 - Bundeli Holy Bible

³⁴ तब यीशु ने कओ; हे पिता, इन हां छिमा कर, कायसे जे नईं जानत कि का कर रए आंय? और उन ने चिठिंया डाल के यीशु के कपड़ा आपस में बांट लए।

- लूका 23:34 ပူးပေါင်းရင်းမြစ်များ

- उत्पत्ति 50:17

‘तुमोंरें यूसुफ सें ई तरहां कईयो, कि हम बिनती करत आंय कि तें अपने भईयों के अपराध और पाप हों छमा कर; हमने तोरे संगै बुरओ करो हतो, परन्‍त अब अपने बाप के यहोवा परमेसुर के दासों कौ अपराध छमा कर’।” उनकी जे बातें सुनकें यूसुफ रो पड़ो।

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- मत्ती 11:26

हओ, हे बाप, कायसे तोहां जौई अच्छो लगो।

- मत्ती 5:44

पर मैं तुम से कैत आंव, कि अपने बैरियन से प्रेम रखियो और जो तुम हां परेसान करै उन के लाने बिन्तवाई करियो।

- मरकुस 15:24

तब उन ने यीशु हां क्रूस पै चढ़ाओ, और ऊके उन्ना पै चिट्ठी डाल के, कि कीहां का मिलै, उने बांट लओ।

- लूका 22:42

हे पिता जदि तें चाए तो जौ कटोरा मोरे ऐंगर से अलैदा कर ले, पर मोरी मनसा नईं पर तोरी मनसा पूरी होबे।

- यूहन्‍ना 17:9

मैं उन के लाने बिनती करत आंव, जगत के लाने बिनती नईं करत आंव परन्त उन के लाने जिन हां तेंने मोय दओ आय, कायसे बे तोरे आंय।

- यूहन्‍ना 19:11

यीशु ने कई, अगर तोय ऊ परै से नईं दओ जातो, तो तोरो मोय पे कोऊ हक नईं होतो; ई लाने जीने मोय तोरे हाथन सौंपो आय, ऊ को पाप बिलात आय।

- प्रेरितन के काम 16:28

तब पौलुस ने जोर से चिल्ला के कई; अपने हां हानि नईं पोंचा, कायसे हम सब इतईं आंय।

- प्रेरितन के काम 3:17

अब हे भईया हरौ, मोय पता आय कि जौ सबरो काम तुम ने मूरखता से करो, और ऊं सई तुमाए सरदारन ने सोई करो।

- प्रेरितन के काम 7:60

फिन घुटने टेक के जोर से पुकार के कओ, हे पिरभु जौ पाप उन पे नईं लगाओ, और जौ कै कें सो गओ: और शाऊ ल ऊ की हत्या में सामिल हतो।

- रोमियों 12:14

अपने सताबेवारन हां आसीष देओ; आसीष देओ श्राप न देओ।

- पैली कुरिन्थियों 2:8

जी ज्ञान हां ई जुग के हाकमन में से कोऊ ने न समजो, जदि उन की समज में आ गओ होतो, तो मईमा के पिरभु हां क्रूस पे न टांगते।

- पैली कुरिन्थियों 4:12

मान्स बुरओ कैत, हम आसीसत आंय; बे सतात आंय, हम गम्म खात आंय।

- 1 तीमुथियुस 1:13

मैं तो पेंला बुरई बातें कैबेवारो, दूसरन हां सताबेवारो, और अन्धेर करबेवारो हतो; परन्त उन ने मोपै दया करी कायसे मैंने जो सबरी बातें बिन सोचे समझे करीं।

- 1 पतरस 3:9

बुराई के बदले बुराई न करो; और न गाली के बदले गाली दो; पर ईके उलटे आसीस दो: कायसे तुम आसीस के वारस होबे के लाने बुलाए गए आव।