- लूका 23:2 - Bundeli Holy Bible

² उते बे औरें जौ कै कें यीशु पे लांछन लगान लगे, कि हम ने ईहां मान्सन हां बरगलात और कैसर महाराज हां कर देबे हां मना करत, और अपने आप हां मसीह राजा कैत भए सुनो आय।

- लूका 23:2 ပူးပေါင်းရင်းမြစ်များ

- मत्ती 17:27

पर ऐसो न होय कि हम उन के लाने ठोकर कौ काम करबें, ई लाने तें तला में जाके बंसी डाल, और जौन मछरिया पेंला निकले, ऊहां ले; तो ऊको मों खोलबे पे तोय एक सिक्का मिल है, ऊहां लैके मोरे और अपने बदले उन हां दे दईयो।

- मत्ती 22:21

उन ने ऊसे कई, कैसर कौ; तब ऊने उन से कई; जौन कैसर कौ आय, बो कैसर हां देओ; और जौन परमेसुर कौ आय, बो परमेसुर हां देओ।

- मत्ती 27:11

जब यीशु राज्यपाल के सामूं ठांड़ो हतो, तो राज्यपाल ने ऊसे पूंछी; का तें यहूदियन कौ राजा आय? यीशु ने ऊसे कई, तें खुदई कह रओ आय।

- मरकुस 12:17

यीशु ने उन से कओ; जौन कैसर महाराजा कौ आए ऊ कैसर महाराजा हां, और जौन परमेसुर कौ आए ऊ परमेसुर हां देओ। तब बे ऊ पै भौत अचम्भा करन लगे।

- मरकुस 15:2

और पीलातुस ने ऊसे पूंछो, का तें यहूदियन कौ राजा आय? ऊने ऊहां जवाब दओ; कि तें खुद ही कै रऔ आय।

- लूका 23:14

तुम ई मान्स हां मोरे ऐंगर जौ लांछन लगा के लाए आव कि जौ मान्सन हां विद्रोह के लाने भड़कात आय, और तको, मैं ने तुम सब के सामूं ऊ की जांच परख करी आय, पर जिन बातन कौ ईपे लांछन लगात आव, उन बातन के बारे में मैं ने ईमें कछु दोष नईं पाओ आय।

- लूका 23:5

पर बे औरें और जोर लगा के कैन लगे, ईने गलील प्रदेश से लेके इते लौ सबरे यहूदा प्रदेश में परचार कर कर के मान्सन हां भड़का दओ आय।

- यूहन्‍ना 18:29

तब पीलातुस बायरें कड़ के उन के ऐंगर आओ और कई, तुम ई मान्स पे का दोष लगात आव?

- यूहन्‍ना 18:30

उन ने ऊसे कई, जदि जौ मान्स कुकर्मी न होतो तो हम ऊहां तोरे इते नईं लियाते।

- यूहन्‍ना 19:12

ईसे पीलातुस ने ऊहां छोड़ देबे की कोसिस करी, पर यहूदियन ने चिल्ला चिल्ला के कई, जदि तें ई मान्स हां छोड़ दै है तो तें कैसर के राज्य कौ भक्त नईंया; जो कोई अपने हां राजा कैत आय बो कैसर कौ सामना करत आय।

- प्रेरितन के काम 24:13

और न ही जे उन दोषन हां जौन अब मोय पे लगात आंय, तोरे आंगू साबित कर सकत आंय।

- प्रेरितन के काम 24:5

बात जा आय की जौ मान्स सांची में बदमास आय, और जगत भर के सारे यहूदियन में फूट डालत आय, और नासरियन के बुरई चाल कौ मुखिया आय।

- रोमियों 13:7

ई लाने सबको हक्क चुकाओ, जीहां कर चानें, ऊहां कर देओ; जिए महसूल चानें, ऊहां महसूल देओ; जी से डरबो चईये, ऊसे डरो; जी कौ आदर सम्मान करो चईये ऊकौ आदर सम्मान करो।