- लूका 22:41 - Bundeli Holy Bible

⁴¹ और बो खुद उन से कछु दूरी पे गओ, और घुटने टेक के बिन्तवाई करन लगो।

- लूका 22:41 ပူးပေါင်းရင်းမြစ်များ

- मत्ती 26:39

फिन बो उन से तनक आंगू बढ़ो और मों के बल गिरो, और जा बिनती करन लगो, ओ मोरे बाप, जदि हो सकत आय, तो जौ कटोरा मोय से टल जाबै; फिन भी मोरी नईं, पर तोरी मनसा पूरी होय।

- मरकुस 14:35

और ऊ तनक अगारूं बढ़ो, और जमीन पै गिर के प्रार्थना करन लगो, कि अगर हो सकै तौ जा बेरा मो पै से टल जाय।

- लूका 18:11

फरीसी ठांड़ो होकें अपने हिये में जौ बिन्तवाई करन लगो, कि हे परमेसुर मैं तोरो धन्नवाद करत आंव, कि मैं और मान्सन घांई अन्धेर करबेवारो, अन्यायी और परत्रिया भोगी नईंयां, और न ई चुंगी लेबेवारे के घांई आंव।

- लूका 18:13

परन्त चुंगी लेबेवारे ने दूर ठांड़े होकें, सरग कुदाऊं आंख उठाओ भी नईं चाही, पर अपनी छाती पीट पीट के कओ; हे परमेसुर मोय पापी पे दया कर।

- प्रेरितन के काम 20:36

जा कह के ऊ ने घुटनन हां टेको और सब के संग्गै प्रार्थना करी।

- प्रेरितन के काम 21:5

जब उते हमाए ठहरबे के दिना पूरे भए, तो हम विदा होकें चले; और सब मान्स बईयरन, बच्चन संग्गै हम हां नगर के बायरें लौ पहुंचाबे आए, और समुन्दर तीरे पे घुटना टेक के प्रार्थना करबे के पाछें हम ने एक दूसरे से विदा लई।

- प्रेरितन के काम 7:60

फिन घुटने टेक के जोर से पुकार के कओ, हे पिरभु जौ पाप उन पे नईं लगाओ, और जौ कै कें सो गओ: और शाऊ ल ऊ की हत्या में सामिल हतो।

- प्रेरितन के काम 9:40

तब पतरस ने सबरन हां बायरें कर दओ, और घुटने टेक के बिन्तवाई करी; और लोथ कुदाऊं तक के कओ; हे तबीता उठ: तब ऊ ने अपनी आंखें खोल दईं; और पतरस हां तक के उठ बैठी।

- इब्रानियों 5:7

ऊ ने अपने जीयत गुहार लगा के और अंसुआ बहात कई, कि मोहां आबेवारी मौत से बचा लेओ, और उनकी जैसी लगन से बे बच गए।