- लूका 22:32 - Bundeli Holy Bible

³² पर मैं ने तोरे लाने बिन्तवाई करी, कि तोरो बिसवास जात न रैबे: और जब तें फिरे तब अपने भईयन हां पक्को करिए।

- लूका 22:32 ပူးပေါင်းရင်းမြစ်များ

- मत्ती 18:3

मैं तुम से सांची कैत आंव, कि जब लों तुम न फिरो और बच्चन घांई न बनो, तुम सरग के राज्य में कभऊं न पोंच पा हौ।

- मत्ती 26:75

तब पतरस हां बो बात जौन यीशु ने कई हती याद आई, कि मुरगा के बांग देबे के पेंला तें तीन बेर मोरो इनकार कर है, और पतरस बायरें जाके फूट फूट के रोन लगो।

- मरकुस 14:72

तब तुरतईं दूसरी बेर मुर्गा ने बांग दई: पतरस हां बा बात जौन यीशु ने ऊसे कई हती याद आई, कि मुर्गा के दो बेर बांग देबे के पेंला तें तीन बेर मोरो इनकार कर है: ऊ जा बात हां सोच के रोऊन लगो।

- मरकुस 16:7

लेकिन तुम जाओ, और ऊके चेलन और पतरस से कओ, कि ऊ तुम से पेंला गलील हां जै है; जैसो ऊ ने तुम से कओ हतो, तुम उतईं ऊहां देख हौ।

- लूका 8:13

चट्टान पे के बे आंय, कि जब सुनत आंय, तो खुसी से बचन हां अपना तो लेत आंय, पर जड़ न पकड़बे से बे तनक देर हां बिसवास रखत आंय, पर जांच परख की बेरा डगमगा जात आंय।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- प्रेरितन के काम 3:19

ई लाने हिया फेरो और लौट आओ कि तुमाए पाप मिटाए जाएं, जी से पिरभु के सामूं से चैन सान्ति के दिन आएं।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- रोमियों 8:34

फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- 2 तीमुथियुस 2:18

जौन जौ कैत आंय कि मरे भए जी उठे आंय बे सांची बातन हां नईं मानत, और कित्तई उन के बिसवास हां बिलोर देत आंय।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- इब्रानियों 12:15

और ध्यान धरो कि कोई परमेसुर की दया से न बच पाबै, और तकत रओ कि कोई करऔ होकें दूसरे जन हां परेसान न करे।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।

- 1 पतरस 1:13

ई काजें अपनी अपनी बुद्धि की करयाई कस के, और हुसयार रैके ऊ किरिया की पूरी आसा राखो, जौन पिरभु यीशु के उजागर होबे की बेरा तुम हां मिलबेवारो आय।

- 1 पतरस 1:5

जी की रक्षा परमेसुर की सकती से, बिसवास से ऊ तारण के लाने, जौन आबेवारे टैम में उजागर होबेवारी आय, करी जात आय।

- 2 पतरस 3:14

ई लाने हे प्यारे भईया हरौ, जब कि तुम इन बातन की बाट तकत आव तो कोसिस करो, कि तुम सान्ति से ऊके सामूं बिना दाग और बिना लांछन ठैरो।

- 1 यूहन्‍ना 2:19

बे हम में से निकले हते परन्त सांचई हम में के नईं हते; कायसे हमाए बीच के होते, तो हमाए संग्गै रैते, उन के निकल जाबे से पता पड़त आय कि बे हमाए बीच के न हते।