- लूका 18:7 - Bundeli Holy Bible

⁷ सो का परमेसुर अपने नबेरे भय कौ न्याव न चुका है, जौन रात दिना ऊ की दुहाई देत रैत आंय, और का बो उन के बारे में अबेर कर है?

- लूका 18:7 ပူးပေါင်းရင်းမြစ်များ

- मत्ती 24:22

और अगर बे दिना घटाए न जाते, तो एकऊ प्राणी नईं बचतो; पर चुने भयन के काजें बे दिना घटा दए जै हैं।

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- मत्ती 7:11

सो जब तुम बुरय होकें, अपनी लडेर हां साज़ी बस्त देबो जानत आव, तो तुमाओ बाप जौन सरग में रहत आय अपने मांगबे बारन हां साजी बस्त काय न दै है।

- लूका 11:13

सो जब तुम बुरए होकें अपने बाल-बच्चन हां साजी बस्तें देबो जानत आव, तो तुमाओ बाप जौन सरग में आय, अपने मांगबेवारन हां पवित्तर आत्मा काय न दै है।

- लूका 2:37

बा चौरासी बरस से बिधवा हती: और मन्दर हां न छोड़त हती पर उपवास और बिन्तवाई कर दिन रात भजन भक्ति करत हती।

- लूका 21:28

जब जे बातें होन लगें, तो सूदे हो अपने मूड़ ऊपरे करियो; कायसे तुमाओ छुटकारो ऐंगर हुईये।

- रोमियों 8:33

परमेसुर के नबेरे भयन पे लांछन को लगा है? परमेसुर बो आय जौन उन हां धरमी ठेराबेवारो आय।

- कुलुस्सियों 3:12

परमेसुर ने तुम से प्रेम करो और तुम हां पवित्तर करके अपने लोगन में जोड़ लओ आय, सो तुम दया करबेवारे, दीन, और भलो करबेवारे और धीरज धरबेवारे बनो।

- 1 थिस्सलुनीकियों 3:10

हम रात दिना बिन्तवारी करत आंय, कि तुम लौ आके पिरभू की और बातें बताएं।

- 2 थिस्सलुनीकियों 1:6

और जौ परमेसुर को न्याव आय, कि जौन तुम हां दुख देत आय, उन हां सोई दुख देबे।

- 1 तीमुथियुस 5:5

जौन सांचई बिधवा होबै, और उनको और कोई न होबै; बे केवल परमेसुर के आसरे होबें, और रात दिना बिन्तवाई करबे में लगी रैबें।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- 2 तीमुथियुस 2:10

मैं बिसवास धरबेवारन के लाने सब सह रओ कि बे यीशु मसीह में तरन तारन पाबें।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।

- यूहन्‍ना के दरसन कौ खुलासा 18:20

हे सरग और धरती पै रैवेबारे लोगो, प्रेरितन और अगमवकता, ऊ पे मजा करो, कायसे परमेसुर ने तुमाओ बदला ऊसे ले लओ।

- यूहन्‍ना के दरसन कौ खुलासा 6:10

उन ने ऊं ची आवाज में कहो; हे मालक, हे पवित्तर और सांचे जने; तुम कब लौ न्याव न कर हौ? और धरती पै के रहबेवारे जिन ने हमें मार डालो ऊ को पलटा कब लौ न लै हौ?

- यूहन्‍ना के दरसन कौ खुलासा 7:15

ऐई से जे परमेसुर के सिंहासन के सामूं आंय, और उनके मन्दर में दिन रात उनकी सेवा करत आंय; और जो सिंहासन पै बिराजे आंय, बे अपनी छत्र छाया उन पै राखें रै हैं।