- लूका 16:8 - Bundeli Holy Bible

⁸ मालक ने ऊ अधरमी भण्डारी हां सराहो कि ऊ ने चतुराई से काम करो आय; कायसे ई संसार के मान्स अपनी बेरा के मान्सन के संग्गै रीत व्यवहारों में ज्योत के मान्सन से ज्यादा चतुर आंय।

- लूका 16:8 ပူးပေါင်းရင်းမြစ်များ

- उत्पत्ति 3:1

यहोवा परमेसुर ने जितेक बनैले पसु बनाए हते, उन सब में सांप चतुर हतो; ऊने बईयर सें कई, “का सांची आय कि यहोवा परमेसुर ने कई, ‘तुम ई बगिया के कौनऊं पेड़ कौ फल नें खईयो?’”

- मत्ती 12:32

और जो कोऊ मान्स के पूत के बिरोध में कोऊ बात कै है, ऊको जौ पाप क्षमा करो जै है, पर जौन कोनऊ पवित्र आत्मा के बिरोध में कछु कै है, ऊको पाप न तो ई जुग में और न आबेवारे जुग में क्षमा करो जै है।

- मत्ती 17:26

यीशु ने ऊसे कई, तब तो पूत बच गए।

- लूका 16:10

जौन तनक से तनक में सांचो आय, ऊ बिलात में सोई सांचो आय: और जौन तनक से तनक में अधरमी आय, ऊ बिलात में सोई अधरमी आय।

- लूका 16:4

मैं समज गओ, कि का कर हों: जीसे जब मैं भण्डारी के काम से छुड़ाओ जांओं तो मान्स मोय अपने घरों में ले लेबें।

- लूका 16:7

फिन ऊ ने दूसरे से पूछो, तो पे कितेक कर्जा आय? ऊ ने कओ सौ मन गेंहूं; तब ऊ ने ऊसे कओ; अपनो खाता बही ले और अस्सी लिख दे।

- लूका 18:6

यीशु ने कओ, सुनो, जौ अधर्मी न्यायी का कैत आय?

- लूका 20:34

यीशु ने उन से कओ; ई जुग के बाल बच्चन में शादी ब्याओ होत आय।

- लूका 20:35

पर जौन मान्स ई जोग हुईयें, कि ऊ जुग हां और मरे भयन में से जी उठबो पाबें, उन में शादी ब्याओ न हुईये।

- यूहन्‍ना 12:36

जब लौ ज्योत तुमाए संग्गै आय, ज्योत पे भरोसा करो जीसे कि तुम ज्योत की लड़ेर बन सको। इन बातन हां कहके यीशु उते से चलो गओ और उन से छिपो रओ।

- पैली कुरिन्थियों 3:18

कोऊ अपने आप हां धोखा न देबे: जदि तुम में से कोऊ ई संसार में अपने आप हां ज्ञानी समझे, तो मूरख बने; कि ज्ञानी हो जाबै।

- इफिसियों 5:8

कायसे तुम पेंला अंधियारे में हते अकेले अब पिरभु में जोत आव, सो उजयारे वारन जैसो चलो।

- फिलिप्पियों 3:19

उन हां एक दिना खतम हो जाने आय, उनको पेट उन कौ ईसुर आय, और जिन बातन से सरम आओ चईये उनईं पै बे गरब करत आंय, उनको मन संसार की बस्तन पै लगो रैत आय।

- 1 थिस्सलुनीकियों 5:5

कायसे तुम सबरे जनें उजयारो पाय, और दिन के बच्चा आव, तुम न तो रात के, और न अंधियारेवारे आव।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।