कायसे यूहन्ना तुमाए ऐंगर धर्मी जीवन की गैल से आओ, और तुम ने ऊको भरोसा नईं करो: पर चुंगी लेबेवारन और वेश्याओं ने ऊको भरोसा करो: और जौ हेर के भी तुम हां पाछें पछतावा नईं भओ कि ऊको भरोसा कर लेते।
यीशु सबरे गलील में निंगत भओ उन के सभाघरन में सन्देस देत और राज्य कौ सन्देसो सुनाउत, और लोगन की हर एक बीमारियन हां और हर तरहां की कमजोरियन हां दूर करत रहो।
लेकिन ऊ बाहर जाके ई बात हां भौत परचार करन लगो, और इते तक फैलान लगो कि यीशु फिन खुलासां नगर में ना जा पाओ, लेकिन बाहरी जंगली जांगा में रओ; और चारऊं कोद से लोग ऊके ऐंगर आत रए।
(बे पानू के हिलबे की बाट हेरत हते, कायसे प्रभु के सरगदूत, कोई खास बेरा पे कुण्ड में उतर के पानू हां हिलात हते, पानू के हिलतई जौन भी पेंला उतर जात हतो, बो चाए कोई सी बीमारी से बीमार काय न होबै, साजो हो जात हतो।)