- लूका 16:11 - Bundeli Holy Bible

¹¹ ई लाने कि जब तुम अधरम के धन में सांचे न ठैरे, तो सांसो धन तुम हां को दै है!

- लूका 16:11 ပူးပေါင်းရင်းမြစ်များ

- मत्ती 6:24

कोऊ मान्स दो मालकन की चाकरी नईं कर सकत, कायसे बो एक से बैर और दूसरे से प्रेम रख है, या एक से मिलो रै है और दूसरे हां नैचों जान है; “तुम परमेसुर और धन दोई की भक्ति नईं कर सकत”।

- लूका 12:33

अपनो मालपानू बेच के दान में दे देओ; और अपने लाने ऐसे बटुए बना लेओ, जौन पुराने नईं होत, जाने के सरग पे ऐसो धन जोड़ो जौन घटत नईंयां और भड़या ऊके ऐंगर नईं जात, और कीड़ा नईं बिगाड़त।

- लूका 16:12

और जदि तुम पराए धन में सांचे न ठैरे, तो जौन तुमाओ आए, बो तुम हां को दै है?

- लूका 16:9

और मैं तुम से कैत आंव, कि अधरम के धन से अपने लाने मित्र बना लेओ; जीसे जब ऊ बड़ा जाबै, तो बे तुम हां हमेसा के लाने अपने घरों में अपना लेबें।

- लूका 18:22

जौ सुन, यीशु ने ऊसे कओ, तो में अब भी एक बात की घटी आय, अपनो सब कछु बेंच के गरीब गुरवन हां बांट दे; और तोहां सरग में धन मिल है, और आके मोरे पांछू हो ले।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- यूहन्‍ना के दरसन कौ खुलासा 3:18

ई लाने मैं तोहां सम्मति देत आंव, कि आगी में ताओ भओ सोना मोसे मोल ले कि सांचऊ में धनी हो जाबै; और सफेद उन्ना लैके पैर ले कि तोहां नंगेपन जैसी सरम न होबै; और अपनी आंखें आंजबे हां बढिया सुरमा लै ले, कि तोहां दिखान लगै।