- लूका 14:13 - Bundeli Holy Bible

¹³ पर जब तें भोज करे, तो गरीब गुरवन, टुण्डों, लगड़ों और अंधरन हां नेवता में बुला।

- लूका 14:13 ပူးပေါင်းရင်းမြစ်များ

- नहेम्याह 8:10

फिन ऊने उनसें कई, “जाकें चिकनो चिकनो भोजन करौ और मीठो मीठो रस पियो, और जिनके लाने कछु तईयार नईं भओ होबै उनके लिगां सोई भोजन पठैओ; कायसे आज कौ दिना हमाए पिरभु के लाने पवित्तर आय; और उदास नें रओ, कायसे यहोवा परमेसुर कौ आनंद तुमाए पक्‍के गढ़ जैसो आय।”

- नहेम्याह 8:12

तब सब जनें खान, पियन लगे और दूसरन हों सोई खाबे, पीबे, भोजन बस्‍तें पठैबे और बड़ो आनंद मनाबे हों चले गए, कायसे जो बचन उनहों समझाए गए हते, उनहों बे समज गए हते।

- मत्ती 15:30

और बिलात लोग ऊके ऐंगर आए, और बे अपने संग्गै लंगड़े, लूले, अन्धरे, बौरे और बिलात औरन हां लैके आए; और उन हां ऊके गोड़ों में डार दओ, और ऊने उन हां साजो करो।

- मत्ती 22:10

तब उन चाकरन ने गलियन में जाके जौन भी भलो या बुरओ उन हां मिलो, सब हां इकट्ठो करो; और ब्याव कौ घर जेवनहारों से भर गओ।

- लूका 11:41

पर जौन कछु भीतर आय ऊए दान कर दो, तो तको, सब कछु तुमाए लाने शुद्ध हो जै है।

- लूका 14:12

तब यीशु ने अपने नेवता देबेवारे से सोई कओ, जब तें दिन कौ या रात कौ भोज करे, तो अपने मित्र या भाईयन या कुटुम्बी जन हां या धनवान पड़ोसियन हां न बुला, कऊं ऐसो न होय, कि बे सोई तोय नेवता देबें, और तोरो बदला हो जाबे।

- लूका 14:14

तब तें धन्न हुईये, कायसे उन लौ तोहां बदला चुकाबे हां कछु नईंयां, पर जब धरमी जी उठ हैं तो तोहां ईकौ बदला मिल है।

- लूका 14:21

ऊ चाकर ने घर लौट के जे बातें अपने मालक हां कै सुनाईं, तब घर के मालक ने खुन्स में आके अपने चाकर से कओ, नगर के बाजारों और गलियों में जाके फुर्तीं से, कगालों, टुन्डों, लगड़ों, और अंधरन हां इतै ले आ।

- प्रेरितन के काम 9:39

तब पतरस उठके उन के संग्गै हो लओ, और जब ऊ पोंचो, तो बे ऊहां ऊ अटारी पे ले गए; सबरी बिधवाएं रोत भईं ऊके ऐंगर आ ठांड़ी भईं: और जौन कुरता और उन्ना दोरकास ने उन के संग्गै रैत भए बनाए हते, दिखान लगीं।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 5:10

और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- तीतुस 1:8

बो पहुनाई करबेवारो, और दूसरन कौ भलो करबेवारो, अपने बस में रैबेवारो, न्याय करबेवारो, पवित्तर और अपनी इन्द्रियन हां बस में रखबेवारो होबै।

- फिलेमोन 1:7

कायसे भईया, तोरो प्रेम जो प्रभु से और मान्सन से लगो आय, ऊसे हमाए मन हां अच्छो लगो, सुनो आय कि तोसें मण्डली के जनन के मन हरे हो गए आंय।

- इब्रानियों 13:2

कोऊ बाहर से आबै तो अपने घर में रोटी खिलाईयो, कायसे ऐसो करके कछु जन ने बिना जाने सरगदूतन हां खिलाओ आय।