- लूका 11:41 - Bundeli Holy Bible

⁴¹ पर जौन कछु भीतर आय ऊए दान कर दो, तो तको, सब कछु तुमाए लाने शुद्ध हो जै है।

- लूका 11:41 ပူးပေါင်းရင်းမြစ်များ

- मत्ती 26:11

गरीब तो तुमाए संग्गै सदा रैत आंय, पर मैं तुमाए संग्गै सदा न रै हों?

- मत्ती 5:42

जो तोसें मांगे, ऊहां दे; और जो तोसे कर्जा लेबो चाहे, ऊसे मों न मोड़ियो।

- मरकुस 7:19

कायसे कि बा ऊके मन में नईं, पेट में जात आय, और संडास में निकल जात आय? ऐसो कै के ऊ ने सबरी खाबेवाली चीजन हां शुद्ध बताओ।

- लूका 12:33

अपनो मालपानू बेच के दान में दे देओ; और अपने लाने ऐसे बटुए बना लेओ, जौन पुराने नईं होत, जाने के सरग पे ऐसो धन जोड़ो जौन घटत नईंयां और भड़या ऊके ऐंगर नईं जात, और कीड़ा नईं बिगाड़त।

- लूका 16:9

और मैं तुम से कैत आंव, कि अधरम के धन से अपने लाने मित्र बना लेओ; जीसे जब ऊ बड़ा जाबै, तो बे तुम हां हमेसा के लाने अपने घरों में अपना लेबें।

- लूका 18:22

जौ सुन, यीशु ने ऊसे कओ, तो में अब भी एक बात की घटी आय, अपनो सब कछु बेंच के गरीब गुरवन हां बांट दे; और तोहां सरग में धन मिल है, और आके मोरे पांछू हो ले।

- लूका 19:8

जक्कई ने ठांड़े होकें पिरभु यीशु से कओ; हे पिरभु, तक, मैं अपनी आधी सम्पत्ति गरीब गुरवन हां देत आंव, और जदि कोऊ को कछु बेईमानी से लै लओ आय तो ऊ ए चौगुना फेर देत आंव।

- प्रेरितन के काम 10:15

और दूजी बेर ऊहां बोल फिन सुनाई दओ, जो कछु परमेसुर ने शुद्ध ठैराओ आय, ऊहां तें अशुद्ध न कै।

- प्रेरितन के काम 11:29

चेलन ने ठानी, कि हरएक अपनी अपनी हैसियत के अनसार यहूदिया में रहबे वाले भाईयन की मदद के लाने कछु पठैय।

- प्रेरितन के काम 24:17

अब बिलात बरसन के पाछें मैं अपनी जात के लाने दान पोंचाबे, और भेंट चढ़ाबे आओ हतो।

- दूसरी कुरिन्थियों 8:12

कायसे मन से दान दओ जाबे तो बो ग्रहण होत आय, जौन उन लौ आय अकेले ऊसे जौन उन लौ नईंयां।

- इफिसियों 4:28

चोरी करबेवारे अब चोरी नईं करें, अकेले अच्छे काम करें और हाथन से मैनत करें; कि जीहां अटका पड़े, ऊहां दैबे हां तुम लौ कछु होबे।

- तीतुस 1:15

साजे मान्सन के लाने सब साजो आय, और बुरय और बिसवास न करबेवारन हां कछु साजो नईंयां; कायसे उनकी समझ और उनको हिया साजो नईंयां।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- इब्रानियों 6:10

हम जौ सोई कैत आंय कि परमेसुर अच्छे न्यायी आंय, बो तुमाई याद कर है, कि तुम कैसे उन सबरे जन जिन ने यीशु मसीह हां पकड़ लओ आय, उन की सेवा खुसामद करत आव।

- याकूब 1:27

हमाए पिता परमेसुर के लेखे में सुद्ध और साफ भक्ति जा आय, कि हम अनाथों और बिधवाओं की दुख पीड़ा में उन की सुध लेबें, और अपने आप हां संसार की बातन से दूर राखें।