- लूका 11:39 - Bundeli Holy Bible

³⁹ पिरभु ने ऊसे कओ, हे धरम पण्डतो, तुम बेला और थाली हां ऊपर ऊपर तो मांजत आव, पर तुमाए भीतर अन्धेर और दुष्टता भरी आय।

- लूका 11:39 ပူးပေါင်းရင်းမြစ်များ

- उत्पत्ति 6:5

यहोवा परमेसुर ने हेरो कि मान्‍सन की बुराई पृथ्‍वी पै बढ़ गई आय, और उनके मन के बिचार में जो कछु पैदा होत आय ऊ लगातार बुरोई होत आय।

- मत्ती 15:19

कायसे बुरए सोच, हत्या, व्यभिचार, भड़याई, लबरी गवाई और निन्दा मन से कड़त आय।

- मत्ती 7:15

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय।

- लूका 16:15

यीशु ने उन से कओ; तुम तो मान्सन के सामूं अपने आप हां धरमी ठैरात आव: पर परमेसुर तुमाए हिया हां जानत आय, कायसे जौन बस्त मान्सन के लेखे जसवारी आय, बो परमेसुर के लेखे ओछी आय।

- लूका 7:13

ऊहां तक के पिरभु हां ऊ पै बड़ी दया आई, और ऊसे कओ, न रो।

- लूका 7:19

तब यूहन्ना ने अपने चेलन में से दो चेलों हां बुला के पिरभु के ऐंगर जौ पूंछबे के लाने पठैओ, कि का आबेवारो तेंई आय, या हम कोऊ और दूजे की बाट हेरें?

- यूहन्‍ना 12:6

ऊ ने जा ई लाने नईं कई, कि ऊहां कंगालन की चिन्ता हती, परन्त ई लाने कि बो भड़या हतो और ऊके ऐंगर रुपईयन कौ थैला रैत हतो, और जौन कछु ऊ में डालो जात हतो, बो ऊहां निकाल लेत हतो।

- यूहन्‍ना 13:2

और खाबे की बेरा, जब शैतान पेंलईं से शमौन के पूत यहूदा इस्करियोती के मन में जौ डाल चुको हतो, कि बो ऊहां दगा से पकड़वाबै।

- प्रेरितन के काम 5:3

पतरस ने कओ; हे हनन्याह! शैतान छलिया ने तोरे हिए में जा बात काय डाली, कि तें पवित्तर आत्मा से लाबरी काबे, और भूमि के दाम में से कछु रख लैबे।

- गलतियों 1:14

अपनी जात भईयन जौन मोरी उमर के हते उनसे आगे बढ़ो भओ हतो, और अपने बाप दादन की रीत हां मानबे में बहुत आगे हतो।

- 2 तीमुथियुस 3:5

बे भगत जैसे तो लग हैं, परन्त उनके जस हां न मान हैं; ऐसे जन से दूरई रईयो।

- तीतुस 1:15

साजे मान्सन के लाने सब साजो आय, और बुरय और बिसवास न करबेवारन हां कछु साजो नईंयां; कायसे उनकी समझ और उनको हिया साजो नईंयां।

- याकूब 4:8

परमेसुर के ऐंगरे आओ, तो बो सोई तुमाए ऐंगरे आ है: हे पापियो, अपने काम सुद्ध करो; और हे दुचित्ते लोगो अपने हियन हां पवित्तर करो।