- लूका 10:42 - Bundeli Holy Bible

⁴² पर एक बात जरूरी आय, और साजे हींसा हां जौन मरियम ने नबेर लओ आय: ऊसे बो छीनो न जै है।

- लूका 10:42 ပူးပေါင်းရင်းမြစ်များ

- मरकुस 8:36

अगर मान्सन पूरी दुनिया हां पाबै और अपने प्रान की हानि उठाबै, तो ऊहां का फायदा हुईये?

- लूका 10:39

और मरियम नाओं की ऊ की एक बहन हती; और बा यीशु के गोड़न के ऐंगर बैठ के ऊकौ बचन सुनत हती।

- लूका 11:1

फिन यीशु कौनऊं जांगा बिन्तवाई कर रओ हतो: और जब बो बिन्तवाई कर चुको, तो ऊके चेलन में से एक ने ऊसे कओ; हे पिरभु, जैसे यूहन्ना ने अपने चेलन हां बिन्ती करबो सिखाओ आय ऊं सई तें हम हां सोई सिखा दे।

- लूका 12:20

पर परमेसुर ने ऊसे कओ; हे मूरख, ऐई रात तोरो प्रान तो से लै लओ जै है: तब जौन कछु तेंने जोड़ धरो आय, बो की कौ हुईये?

- लूका 12:33

अपनो मालपानू बेच के दान में दे देओ; और अपने लाने ऐसे बटुए बना लेओ, जौन पुराने नईं होत, जाने के सरग पे ऐसो धन जोड़ो जौन घटत नईंयां और भड़या ऊके ऐंगर नईं जात, और कीड़ा नईं बिगाड़त।

- लूका 16:2

धनी ने ऊहां बुला के कओ, जौ काआय जो मैं तोरे बारे में सुन रओ आंव? अपने भण्डारी पन कौ लेखा दे; कायसे तें आंगू भण्डारी न रै है।

- लूका 16:25

पर इब्राहीम ने कओ; हे पूत सुमरन कर, कि तें अपने जीयत में साजी बस्तें ले चुको आय, ऊंसई लाजर बुरई बस्तें: पर अब बो इते सान्ति पा रओ आय, और तें तड़प रओ आय।

- लूका 18:22

जौ सुन, यीशु ने ऊसे कओ, तो में अब भी एक बात की घटी आय, अपनो सब कछु बेंच के गरीब गुरवन हां बांट दे; और तोहां सरग में धन मिल है, और आके मोरे पांछू हो ले।

- लूका 8:18

ई लाने होसियार रओ, कि तुम कौन भांत सुनत आव? कायसे जी के ऐंगर आय, ऊहां और दओ जै है; और जी के ऐंगर नईंयां, ऊसे बौ सोई लै लओ जै है, जिए बो अपनो समजत आय।

- यूहन्‍ना 11:1

मरियम और ऊ की बहिन मरथा के गांव बैतनिय्याह कौ लाजर नाओं कौ एक मान्स बीमार हतो।

- यूहन्‍ना 11:19

और बिलात यहूदी मरथा और मरियम के ऐंगर ऊके भईया मरे पे में सान्ति देबे आए हते।

- यूहन्‍ना 12:3

तब मरियम ने जटामांसी कौ आधा किलो मांगे और असली इतर लेके यीशु के गोड़न पे मलो, और अपने बालों से ऊके गोड़े पोंछे, और इतर की खुशबू से घर महक उठो।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 6:27

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- पैली कुरिन्थियों 13:3

और जदि मैं अपनी सबरी जादाद गरीब गुरवन को खबा देओं, या अपनी देयां बारवे के लाने दे देओं, और प्रेम न धरों, तो मोहां कछु भी फायदा नईंयां।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- यहोशू 24:15

जदि यहोवा परमेसुर की सेवा करबो तुमहों बुरई लगे, तौ आज चुन लेओ कि तुम कौन की सेवा करहौ, चाए उन देवतन की जिनकी सेवा तुमाए पुरखा महानदिया के ऊ पार करत हते, और चाए एमोरियों के देवतन की सेवा करो जिनके देस में तुम रैत आव; परन्‍त मैं तौ अपने घराने समेंत यहोवा परमेसुर ही की सेवा हमेसा करहों।”

- यहोशू 24:22

यहोशू ने मान्‍सन सें कई, “तुम खुद अपने गवाह आव कि तुमने यहोवा परमेसुर की सेवा करबो चुन लओ आय।” उनोंरन ने कई, “हओ, हम गवाह आंय।”