- लूका 10:22 - Bundeli Holy Bible

²² मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- लूका 10:22 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 28:18

तब यीशु ने उन के ऐंगर आके कई, कि सरग और धरती कौ पूरो अधकार मोय दओ गओ आय।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 13:3

तो यीशु जौ जानत भओ कि बाप ने सब कछु मोरे अधकार में कर दओ आय, और मैं परमेसुर के ऐंगर से आओ आंव, और परमेसुर के ऐंगर लौट के जा रओ आंव।

- यूहन्‍ना 17:10

और जो कछु मोरो आय बो सब तोरो आय, और जौन तोरो आय, बो मोरो आय; और इन से मोरी महिमा दिखात आय।

- यूहन्‍ना 17:2

कायसे तेंने तो ऊहां सब प्राणियों पे हक दओ आय, कि बो उन सब हां जिन हां तेंने ऊहां दओ आय, उन सब हां अनन्त जीवन देबे।

- यूहन्‍ना 17:26

और मैंने तोरो नाओं इन हां बताओ और बतात रै हों की जो प्रेम तेंने मोय से करो, बो प्रेम उन में रैबे और मैं उन में रहों।

- यूहन्‍ना 17:5

और हे बाप, अब तें अपने संग्गै मोरी महिमा, ऊ महिमा से कर जौन जगत के जन्म से पेंला, तोरे संग्गै मोरी हती।

- यूहन्‍ना 3:35

बाप पूत से प्रेम करत आय, और ऊ ने ओई के हाथ में सब कछु दै दओ आय।

- पैली कुरिन्थियों 15:24

ईके पाछें अन्त हुईये; ऊ बेरा बो सबरो राज और सबरे अधकार और बल सक्ति हां खतम करके राज्य हां परमेसुर बाप के हाथ में दे दै है।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- इफिसियों 1:21

सब बड़प्पन, अधकार और बल, और राज काज, और हर एक नाओं से जौन ई धरती पै और आबेवारे लोक में सोई रै है बैठाओ।

- इब्रानियों 2:8

तेंने सब कछु मान्स के नेंचें कर दओ; और कोई बस्त हमाए अधकार से बायरें नईंयां, परन्त हम अबै लौ सब कछु अपने अधकार में नईं देखत।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।