- लूका 10:11 - Bundeli Holy Bible

¹¹ तुमाए नगर की धूल भी, जौन हमाए गोड़न में लगी आय, बो तुमाए सामूं झाड़ देत आंय, पर एक बात पक्की जानो, कि परमेसुर कौ राज तुमाए ऐंगर आन पोंचोआय।

- लूका 10:11 ပူးပေါင်းရင်းမြစ်များ

- मत्ती 10:14

जो कोऊ तुम हां न माने, और न तुमाई बातन सुने, तो तुम ऊ घर या नगर से कड़त भए अपने गोड़न की धूरा झार डारियो।

- मत्ती 10:7

और गैल चलत चलत तुम प्रचार करत कहियो कि सरग कौ राज्य ऐंगर आ गओ आय।

- मत्ती 3:2

कि मन फेरो; कायसे सरग कौ राज्य ऐंगर आ गओ आय।

- मरकुस 6:11

जौन जांगा के मान्स तुमें न अपनाबें, और तुमाई न सुनें, उते से चलतई अपने तलुओं की धूरा झरा डालो, कि उन पै गवाही हो।

- लूका 10:10

पर जौन नगर में उते के मान्स तुम हां अपने इते न उतारें, तो उन के बाजारों में जाके कओ।

- लूका 10:9

उते के रूगियन हां साजो करो: और उन से कओ, परमेसुर कौ राज तुमाए ऐंगर आ पोंचो आय।

- लूका 9:5

जौन कोऊ तुम हां न अपनाबे ऊ नगर से बायरें कड़त भए अपने गोड़न की धूरा झाड़ दईयो, कि उन पे गवाही होबै।

- प्रेरितन के काम 13:26

हे भईया हरौ, इब्राहीम के बच्चो; और तुम में से जौन परमेसुर कौ भय मानत आय, तुमाए लाने ही उद्धार कौ बचन पठैव गओ आय।

- प्रेरितन के काम 13:40

ई लाने होसियार रहियो, कि कहूं आगमवक्तन कौ कहबो तुम पे घटित न हो जाबै।

- प्रेरितन के काम 13:46

तब पौलुस और बरनाबास ने जोर देके कई, जौ जरूरी हतो, की परमेसुर कौ बोल पेंला से तुम हां सुनाओ जातो: पर ई लाने की तुम ऊ को नईं मानत आव, और अपने आपई हां अनन्त जीवन के लाने नईं ठहरात आव, तो हेरो, हम गैर यहूदियन की कोद जात आंय।

- प्रेरितन के काम 13:51

तब बे उन के सामूं अपने गोड़न की धूरा झाड़के इकुनियुम हां चले गए।

- रोमियों 10:21

परन्त इस्राएल के विषय में बो जा कैत आय कि मैं सबरे दिना अपने हाथ एक हुकम न मानबेवारी और बतकाओ करबेवारी प्रजा कुदाऊं पसारे रओ।

- रोमियों 10:8

पर बो का कैत आय? कि मोरे बचन तोरे ऐंगर आय, तोरे मों में और तोरे हिये में आय; जौ ओई बिसवास कौ बचन आय, जौन हम परचार करत आंय।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।