7 कायसे कि इलीशिबा बांझ हती, और बे दोई बूढ़े हते।
तब अब्राहम मों के बल गिर पड़ो और हंसो, और मनई मन कैन लगो, “का सौ साल के मान्स के इतै संतान हुईये और का सारा जो नब्बे साल की आय मोंड़ा जनहै?”
अब्राहम और सारा दोई मुतके बूढ़े हो गए हते; और सारा कौ मासिक धरम बंद हो गओ हतो।
इसहाक की बईयर बांझ हती, ई लाने ऊने ऊके लाने यहोवा परमेसुर सें बिनती करी; और यहोवा परमेसुर ने ऊकी बिनती सुनी, ई तरहां ऊकी बईयर रिबका गरभवती भई।
जब राहेल ने हेरो कि याकूब के लाने मोए सें कोऊ संतान पैदा नईं भई, तब बा अपनी बहन सें जलन लगी और याकूब सें कई, “मोहों भी संतान दे, नईं तौ मर जैहों!”
यहूदियों के राजा हेरोदेस के दिना में अबिय्याह के दल में जकरयाह नाओं कौ एक याजक हतो। ऊ की घरवाली हारून के वंस की हती, जीकौ नाओं इलीशिबा हतो।
और बे दोई परमेसुर के सामूं धर्मी हते, और पिरमु के सबरे हुकम और नैम पे सई सई चलबेवाले हते। उन लौ कौनऊं बालबच्चा न हतो।
जब बो अपने दल की पारी में परमेसुर के सामूं याजक कौ काम करत हतो।
और बो एक सौ बरसन को हतो, अपनी मरी भई जैसी देयां और सारा के गरभ की मरी भई जैसी दसा जानके भी बिसवास में कच्चो न भओ।
बिसवास करके सारा ने जौन बूढ़ी हो गई हती ऊ ने गरभवती होबे की सक्ती पाई; कायसे बा जानत हती कि परमेसुर जीने जौ बचन कहो आय बो सांचो आय।
