- लूका 1:6 - Bundeli Holy Bible

⁶ और बे दोई परमेसुर के सामूं धर्मी हते, और पिरमु के सबरे हुकम और नैम पे सई सई चलबेवाले हते। उन लौ कौनऊं बालबच्चा न हतो।

- लूका 1:6 ပူးပေါင်းရင်းမြစ်များ

- उत्पत्ति 17:1

जब अब्राम निन्‍यानबे साल कौ हो गओ; तब यहोवा परमेसुर ने ऊहों दरसन दैकें कई, “मैं सर्वसक्‍तिमान यहोवा परमेसुर आंव; मोरी उपस्‍थिति में चल और खरो होत जा;

- उत्पत्ति 6:9

नूह की बंसावली कौ बिवरण जौ आय। नूह धरमी मान्‍स और अपनी बेरा के मान्‍सन में खरो हतो; और नूह यहोवा परमेसुर ही के संगै-संगै चलत रओ।

- उत्पत्ति 7:1

तब यहोवा परमेसुर ने नूह सें कई, “तें अपने पूरे घराने के संगै जहाज में जा; कायसे मैंने ई बेरा के मान्‍सन में सें केवल तोए हों अपनी नजर में धरमी पाओ आय।

- लूका 1:7

कायसे कि इलीशिबा बांझ हती, और बे दोई बूढ़े हते।

- लूका 16:15

यीशु ने उन से कओ; तुम तो मान्सन के सामूं अपने आप हां धरमी ठैरात आव: पर परमेसुर तुमाए हिया हां जानत आय, कायसे जौन बस्त मान्सन के लेखे जसवारी आय, बो परमेसुर के लेखे ओछी आय।

- लूका 2:25

और तको, यरूशलेम में शमौन नाओं एक मान्स हतो, बो मान्स धर्मी और भक्त हतो; और इस्राएल की सान्ति की बाट जोह रओ हतो, और पवित्तर आत्मा ऊ पे हतो।

- प्रेरितन के काम 2:25

कायसे दाऊद ऊके बारे में कैत आय, कि मैं पिरभु हां सदा अपने सामूं तकत रओ कायसे कि बो मोरी दांयी कोद आय, जीसे मैं डगमगा न जाओं।

- प्रेरितन के काम 23:1

पौलुस ने बड़ी पंचायत की कोद टकटकी लगात भए कई, भईया हरौ, मैंने आज लौ परमेसुर के आंगू पूरी तौर से खरो जीवन बिताओ।

- प्रेरितन के काम 24:16

ई लाने मैं भी परमेसुर और मान्सन के आंगू अपनी सोच हां निरदोस बनाए धरबे की सदा कोसिस करत आंव।

- प्रेरितन के काम 8:21

ई बात में न तोरो हींसा आय, न बांटा; कायसे तोरो हिया परमेसुर के आंगू सीधो नईंयां।

- रोमियों 8:4

ई लाने कि नेम व्यवस्था कौ हम में जौन पाप के अनसार नईं पर आत्मा के अनसार चलत आंय, पूरी करी जाबे।

- पैली कुरिन्थियों 11:2

हे भईर्या हरौ, मैं तुमाई बड़बाई करत आंव, कि तुम सबरी बातन में मोहां सुमरन करत आव: और जौन ब्योहार मैंने तुम हां सिखा दए हते, तुम ऊं सई करत आव।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- फिलिप्पियों 2:15

कि तुम ई संसार में बिन दोस के सूदे सादे परमेसुर के जने होकें ई बुरई और टेढ़े संसार में बिन पाप बने रओ, (उन मान्सन के बीच जिन्हें तुमें जीवन की बातें बता के, मानो एक जलत भओ दिया जैसे आव)।

- कुलुस्सियों 1:22

जीसे तुम हां अब पवित्तर बनाके, बिन खोट करो कि तुम परमेसुर के सामूं ठांड़े हो सको।

- 1 थिस्सलुनीकियों 3:13

कि बो तुमाए मन हां पक्को करे, कि जब हमाओ पिरभू यीशु मसीह अपने मानबे वारन के संग्गै फिन के आबें, तो हम परमेसुर के सामूं पक्के और सांचे माने जाबें।

- 2 पतरस 3:14

ई लाने हे प्यारे भईया हरौ, जब कि तुम इन बातन की बाट तकत आव तो कोसिस करो, कि तुम सान्ति से ऊके सामूं बिना दाग और बिना लांछन ठैरो।

- 1 यूहन्‍ना 2:29

कायसे जो तुम मानत आव, कि बे सांचे आंय, तो तुम जौ सोई जानत आव, कि जौन धरम की गैल धरै आय, बो मानो उनईं को आय।

- 1 यूहन्‍ना 2:3

जब हम उनकी अग्यां मान हैं, तो पता पड़ है कि हम उनकी कई करत आंय।

- 1 यूहन्‍ना 3:7

लड़को, कोऊ के भरमाबे की बातन में न अईयो; जौन मान्स धरम के काम करत आय, ओई उन जैसो धरमी आय।