- लूका 1:32 - Bundeli Holy Bible

³² ऊ जसवारो हुईये, और परमप्रधान कौ पूत कहा है; और पिरभु परमेसुर ऊके बाप दाऊद कौ राज ऊहां दै है।

- लूका 1:32 ပူးပေါင်းရင်းမြစ်များ

- मत्ती 1:1

इब्राहीम को कुल, दाऊद को कुल, यीशु मसीह को वंस।

- मत्ती 12:42

न्याव के दिना, दक्खिन की रानी, ई पीढ़ी के लोगन के संग्गै ठांड़ी हुईये और इन हां पापी ठहरा है, कायसे बो सुलैमान कौ ज्ञान सुनबे हां धरती के छोर से आई, और तको, इते बो आय, जौन सुलैमान से भी बढ़के आय।

- मत्ती 28:18

तब यीशु ने उन के ऐंगर आके कई, कि सरग और धरती कौ पूरो अधकार मोय दओ गओ आय।

- मत्ती 3:11

मैं तुम हां पानू से मन फिराबे कौ बपतिस्मा देत आंव, पर जो मोरे बाद आबेवारो आय, बो मोय से बली आय; मैं ऊकी पनईयां उठाबे के लाक नईंयां, बो तुम हां पवित्र आत्मा और आगी से बपतिस्मा दै है।

- मरकुस 14:61

लेकिन ऊ चुपचाप रओ, और कछु जवाब न दओ: बड़े पुजारी ने ऊसे फिन पूंछो, काय तें ऊ परम धन्य कौ बेटा मसीह आय?

- मरकुस 5:7

और जोर की आवाज में चिल्ला के कओ; हे यीशु, सबसे बड़े परमेसुर के बेटा, मोहां तोसे का काम? मैं तोहां परमेसुर कौ कौल धराऊत आंव, कि मोहां पीड़ा न दे।

- लूका 1:15

कायसे बो पिरभु के सामूं महान हुईये; बो दाखन कौ रस और दारू कभऊं न पी है; बो अपनी माताई के गरभ से पवितर आत्मा से पूरो भर जै है।

- लूका 1:35

सरगदूत ने ऊसे कई; पवित्तर आत्मा तोपे उतर है, और परमप्रधान की बल सक्ति तोपे छाया कर है, ई लाने बो पवित्तर जौन जन्म लेबेवालो आय, परमेसुर कौ पूत कहा है।

- लूका 1:76

और तें हे बालक, परमप्रधान कौ आगमवकता कहा है, कायसे तें पिरभु कौ गैल गोला तईयार करबे के लाने ऊके आंगू आंगू चल है।

- लूका 3:16

तब यूहन्ना ने उन सबरन से कओ: मैं तो तुम हां पानू से बपतिस्मा देत आंव, परन्त बो आबेवारो आय, जौन मोय से बली आय; मैं तो ई जोग नईंयां, कि ऊके जूतन के फीता खोल सकों, बो तुम हां पवित्तर आत्मा और आग से बपतिस्मा दै है।

- लूका 6:35

पर अपने बैरियन से प्रेम राखौ, और भलाई करौ: और फिन वापस पाबे की आस न राख के उधार देओ; तो तुमाए लाने बड़ो इनाम हुईये: और तुम परम परधान के बालबच्चा ठैर हौ, कायसे बो उन पे जो धन्नवाद नईं करत और बुरए जन पे सोई दया करत आय।

- यूहन्‍ना 12:34

ई लाने भीड़ ने ऊसे कई, हम ने रीतियन में पढ़ो आय, कि मसीह सदा बनो रै है, फिन तें कैसे कहत आय, कि मान्स के पूत हां ऊंचे पे चढ़ाओ जाओ जरूरी आय?

- यूहन्‍ना 6:69

हम ने भरोसा करो आय, और जान लओ है, कि परमेसुर कौ पवित्र जन तेंई आय।

- प्रेरितन के काम 16:17

बो पौलुस और हमाए पाछें आके बेर बेर चिलाऊन लगी, जे मान्स परमप्रधान परमेसुर के भक्त आंय, जौन तुम हां उद्धार की गैल कौ सन्देस सुनात आंय।

- प्रेरितन के काम 2:30

सो अगमवकता होकें और जो जान के कि परमेसुर ने मोय में कौल करो आय, कि मैं तोरे वंस से एक जने हां तोरे सिंहासन पे बैठा हों।

- प्रेरितन के काम 2:36

सो अब इस्राएलियन कौ सबरो घरानो पक्को जान लैबे कि परमेसुर ने ओई यीशु हां जीहां तुम ने क्रूस पे चढ़ाओ, प्रभु भी ठहराओ और मसीह सोई।

- प्रेरितन के काम 7:48

पर परम परधान हातन के बनाए घर में नईं रैत, जैसो के अगमवकता ने कओ आय।

- रोमियों 1:4

और पवित्रता की आत्मा के भाव से मरे भयन में से जी उठबे के काजें अधिकार के संग्गै परमेसुर कौ पुत्र ठैरो आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।