- लूका 1:13 - Bundeli Holy Bible

¹³ तब सरगदूत ने ऊसे कई हे जकरयाह, न डरा कायसे तोरी बिन्तवाई सुन लई गई आय और तोरी घरवाली इलीशिबा से तोरे लाने एक लड़का जन्म लै है, और तें ऊकौ नाओं यूहन्ना धरियो।

- लूका 1:13 ပူးပေါင်းရင်းမြစ်များ

- उत्पत्ति 17:10

मोरे संगै बांधी भई बाचा, जीकौ पालन तोहों और तोरे बाद तोरे बंस हों करने पड़है, ऊ जौ आय: तुम में सें एक-एक मान्‍स कौ खतना होए।

- उत्पत्ति 17:19

तब यहोवा परमेसुर ने कई, “पक्‍कौ तोरी घरवारी सारा हों तोए सें एक मोंड़ा पैदा हुईये; और तें ऊकौ नाओं इसहाक रखियो; और मैं ऊके संगै एैसी बाचा बांधहों जो ऊके बाद ऊके बंस के लाने जुग-जुग की बाचा हुईये।

- उत्पत्ति 18:14

का यहोवा परमेसुर के लाने कोऊ काम कठन आय? ठीक बेरा पै, मतलब बसंत ऋतु में, मैं तोरे लिगां फिन आहों, और सारा लौ एक मोंड़ा हुईये।”

- उत्पत्ति 25:21

इसहाक की बईयर बांझ हती, ई लाने ऊने ऊके लाने यहोवा परमेसुर सें बिनती करी; और यहोवा परमेसुर ने ऊकी बिनती सुनी, ई तरहां ऊकी बईयर रिबका गरभवती भई।

- मत्ती 1:21

बो पूत हां जन्म दै है और तें ऊकौ नाओं यीशु धरियो; कायसे बे अपने लोगन हां उन के पापन से छुड़ै है।

- मत्ती 14:27

यीशु ने तुरतईं उन से बातें करी, और कई; हिम्मत धरो; मैं आंव, डरियो नईं।

- मत्ती 28:5

सरदूत ने बईयरन से कई, डराओ नईं कायसे मैं जानत आंव, कि तुम यीशु हां जीहां क्रूस पे चढ़ाओ गओ हतो, खोज रई आव।

- मरकुस 16:6

ऊ ने उन से कओ, चकित न होओ, तुम यीशु नासरी हां, जौन क्रूस पै चढ़ाओ गओ हतो, ढूंढ़त आव: ऊ जिन्दा हो गओ आय; इतै नईंयां; तको, जा ओई जांगा आए, जहां पै उन ने ऊहां रखो हतो।

- लूका 1:14

तोय आनन्द और खुसी हुईये: और बिलात मान्स ऊके जन्म के काजें मगन हुईयें।

- लूका 1:30

सरगदूत ने मरियम से कओ, न डरा, कायसे परमेसुर की किरपा तो पे भई आय।

- लूका 2:21

जब आठ दिना पूरे भए, और ऊके खतने कौ टैम आओ, तो ऊकौ नाओं यीशु धरो गओ, जौन सरगदूत ने ऊके पेट में आबे के पेंला कओ हतो।

- प्रेरितन के काम 10:31

और कैन लगो; हे कुरनेलियुस तोरी बिन्तवाई सुन लई गई आय, और तोरे दान परमेसुर के सामूं सुमरण करे गए आंय।