- यहोशू 9:4 - Bundeli Holy Bible

⁴ तब उनोंरन ने छल करो, और राजदूतों कौ भेस बनाकें अपने गधों पै पुराने बोरे, और पुराने फटे और थिगड़ा लगे भए मदिरा के कुप्‍पे लादकें,

- यहोशू 9:4 ပူးပေါင်းရင်းမြစ်များ

- उत्पत्ति 34:13

तब जौ सोचकें कि शकेम ने हमाई बहन दीना हों असुद्ध करो आय, याकूब के मोंड़ों ने शकेम और ऊके बाप हमोर हों छल के संगै जौ जवाब दओ,

- मत्ती 10:16

हेरो, मैं तुम हां भेड़न जैसो बिगना के मजारें पठैत आंव, ई लाने सांपन की भांत चतुर और परेवा जैसो भोलो बनियो।

- मत्ती 9:17

पुरानी मशकन में नओ दाखन कौ रस नईं भरत: कायसे ऐसो करबे से मशकें फट जै हैं, और दाखन कौ रस बह जात आय, और मशकें नास हो जात आंय, पर नओ दाखन कौ रस नई मशकन में भरत आंय और दोनऊ साजे बचे रहत आंय।

- मरकुस 2:22

नए दाखरस हां पुरानी मशकन में कोऊ नईं रखत, नईं तो दाखरस मशकन हां फाड़ दै है, और दाखरस और मशकें दोई बरबाद हो जै हैं; लेकिन दाख कौ नओ रस नई मशकन में भरो जात आय।

- लूका 16:8

मालक ने ऊ अधरमी भण्डारी हां सराहो कि ऊ ने चतुराई से काम करो आय; कायसे ई संसार के मान्स अपनी बेरा के मान्सन के संग्गै रीत व्यवहारों में ज्योत के मान्सन से ज्यादा चतुर आंय।

- यहोशू 9:12

जौन दिना हम तुमाए लिगां चलबे हों कड़े ऊ दिना तौ हमने अपने-अपने घर सें जा रोटी गरम और ताजी लई हती; परन्‍त अब हेरो, जा सूक गई आय और ईमें फफूंदी लग गई आय।

- यहोशू 9:13

फिन जौन मदिरा के कुप्‍पे हमने भर लए हते, तब तौ नए हते, परन्‍त हेरो अब जे फट गए आंय; और हमाए जे उन्‍ना और पनईंयां बड़ी लम्‍बी यात्रा के कारन पुरानी हो गई आंय।”

- यहोशू 9:3

जब गिबोन के रैबेवारे मान्‍सन ने सुनो कि यहोशू ने यरीहो और ऐ के संगै का-का करो आय,

- यहोशू 9:5

अपने गोड़ों में पुराने थिगड़ा लगी भई पनईंयां, और तन पै पुराने उन्‍ना पैरे, और अपने खाबे के लाने सूखी और फफूंदी लगीं रोटी लै लईं।