- यहोशू 8:9 - Bundeli Holy Bible

⁹ तब यहोशू ने उनहों पठै दओ; और बे घात में बैठबे हों चले गए, और बेतेल और ऐ के मजारें और ऐ की पच्‍छिम कुदाऊं बैठे रए; परन्‍त यहोशू ऊ रात हों मान्‍सन के मजारें टिको रओ।

- यहोशू 8:9 ပူးပေါင်းရင်းမြစ်များ

- उत्पत्ति 12:8

फिन उतै सें आगूं बढ़कें ऊ बेतेल के पूरब कुदाऊं पहड़वावारी जागां में आओ, और अपनो तम्‍बू ऊ जागां में ठांड़ो करो जीके पच्‍छिम की कोद तौ बेतेल और पूरब की कोद ऐ नगर आय। उतै भी ऊने यहोवा परमेसुर के लाने एक बेदी बनाई और यहोवा परमेसुर सें बिन्‍तवाई करी।

- उत्पत्ति 32:21

ई लाने ऊ भेंट याकूब सें पैलां पार उतर गई, और ऊ खुद बा रात हों छावनी में रओ।

- नहेम्याह 7:32

बेतेल और ऐ के मान्‍स एक सौ तेईस,

- यहोशू 7:2

यहोशू ने यरीहो सें ऐ नाओं नगर के लिगां, जौन बेतावेन सें लगो भओ बेतेल के पूरब कुदाऊं आय, कछु मान्‍सन हों जौ कहकें पठैव, “जाकें देस कौ भेद ल्‍याओ।” उन मान्‍सन ने जाकें ऐ कौ भेद लओ।

- यहोशू 8:10

यहोशू भुन्‍सारे उठो, और मान्‍सन हों इकट्ठो करकें इस्राएलियन के स्‍याने मान्‍सन समेंत आंगू-आंगू ऐ कुदाईं निंगो।

- यहोशू 8:12

तब ऊने कोऊ पांच हजार मान्‍सन चुनकें बेतेल और ऐ के मजारें नगर के पच्‍छिम कुदाऊं उनहों घात में बैठा दओ।

- यहोशू 8:8

जब तुम नगर हों लै लेओ तब ऊमें आगी लगाकें फूंक दईयो, यहोवा परमेसुर के हुकम अनसारई काम करियो; सुनो, मैंने तुमहों हुकम दओ आय।”