- यहोशू 7:3 - Bundeli Holy Bible

³ उनोंरन ने यहोशू के लिगां लौटकें कई, “सबरे मान्‍सन उतै नें जाएं, कोऊ दो या तीन हजार मान्‍स जाकें ऐ हों जीत सकत आंय; सबरे मान्‍सन हों उतै जाबे कौ कस्‍ट नें दे, कायसे बे मान्‍सन थोड़ेई आंय।”

- यहोशू 7:3 ပူးပေါင်းရင်းမြစ်များ

- लूका 13:24

यीशु ने उन से कओ; सकरे दोरे से भीतर पिड़बे कौ जतन करो, कायसे मैं तुम से कैत आंव, कि बिलात जनें भीतर पिड़बे की कोसिस कर हैं, और भीतर पिड़ न पा हैं।

- इब्रानियों 4:11

हम हां ऊ विश्राम में जैबे की कोसस करने आय, कहूं ऐसो न होबै, कि हम उनकी कई न करके उते न पहुंच पाबें।

- यहोशू 7:2

यहोशू ने यरीहो सें ऐ नाओं नगर के लिगां, जौन बेतावेन सें लगो भओ बेतेल के पूरब कुदाऊं आय, कछु मान्‍सन हों जौ कहकें पठैव, “जाकें देस कौ भेद ल्‍याओ।” उन मान्‍सन ने जाकें ऐ कौ भेद लओ।

- यहोशू 7:4

ई लाने कोऊ तीन हजार मान्‍स उतै गए; परन्‍त ऐ के रैबेवारों के सामूं सें भग आए,

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 2 पतरस 1:5

ऐई काजें तुम सबई भांत कौ जतन करके, अपने बिसवास पे साजो गुन, साजे गुन पे समज।