- यहोशू 7:25 - Bundeli Holy Bible

²⁵ तब यहोशू ने ऊसें कई, “तेंने हमें काए परेसान करो आय? आज के दिना यहोवा परमेसुर तोहों कस्‍ट दैहै।” तब सब इस्राएलियन ने उनपै पथराव करो; और उनहों आगी में डालकें जलाओ, और उनके ऊपर पथरा डाल दए।

- यहोशू 7:25 ပူးပေါင်းရင်းမြစ်များ

- उत्पत्ति 34:30

तब याकूब ने शिमोन और लेवी सें कई, “तुमने जो ई देस के रैबेवारे कनानियों और परिज्‍जियों के मन में मोरे लाने घिरना पैदा कराई आय, ईसें तुमने मोहों मुसीबत में डालो आय, कायसे मोरे संगै तौ तनकई मान्‍सन आंय; ई लाने अब बे सबरे इकट्ठे होकें मोए पै चढ़ाई करहें, और मोहों मार डालहें, तौ मैं अपने घराने समेंत नास हो जैहों।”

- उत्पत्ति 38:24

करीबन तीन मईना बाद यहूदा हों जौ सन्‍देसो मिलो, “तोरी बहू तामार ने बेस्‍यापन करो आय; बल्‍कि बा ऊसें गरभवती भी हो गई आय।” तब यहूदा ने कई, “ऊहों बायरें काड़ ल्‍याओ कि बा जलाई जाए।”

- पैलो इतिहास 2:7

फिन कर्मी के मोंड़ा: आकार, जौन अरपण करी भई बस्‍तों के बारे में बिसवासघात करके इस्राएलियन कौ दुख दैबेवारो भओ;

- गलतियों 5:12

भलो होतो, कि जौन तुम हां बिलोरत आंय बे काट डाले जाबें।

- 2 थिस्सलुनीकियों 1:6

और जौ परमेसुर को न्याव आय, कि जौन तुम हां दुख देत आय, उन हां सोई दुख देबे।

- इब्रानियों 12:15

और ध्यान धरो कि कोई परमेसुर की दया से न बच पाबै, और तकत रओ कि कोई करऔ होकें दूसरे जन हां परेसान न करे।

- यहोशू 6:18

तुम अरपन करी भईं बस्‍तों सें सावधानी सें अपने आप हों अलग रखो, एैसो नें होए कि अरपन की बस्‍त ठैराकें बाद में ओई अरपन की बस्‍त में सें कछु लै लेओ, और ई तरहां इस्राएली छावनी हों भ्रस्‍ट करके ऊहों कस्‍ट में डाल देओ।

- यहोशू 7:15

तब जौन मान्‍स अरपन करी बस्‍त रखे भए पकड़ो जैहै, ऊ और जो कछु ऊकौ होए सब आगी में डालकें जला दओ जाए; कायसे ऊने यहोवा परमेसुर की बाचा हों तोड़ो आय, और इस्राएल में बुरओ काम करो आय’।”