- यहोशू 6:18 - Bundeli Holy Bible

¹⁸ तुम अरपन करी भईं बस्‍तों सें सावधानी सें अपने आप हों अलग रखो, एैसो नें होए कि अरपन की बस्‍त ठैराकें बाद में ओई अरपन की बस्‍त में सें कछु लै लेओ, और ई तरहां इस्राएली छावनी हों भ्रस्‍ट करके ऊहों कस्‍ट में डाल देओ।

- यहोशू 6:18 ပူးပေါင်းရင်းမြစ်များ

- योना 1:12

ऊने उनसें कई, “मोय उठाकें समंदर में मेंक देओ; तब समंदर सान्‍त पड़ जैहै; कायसे मैं जानत आंव, कि जा बिकराल आंधी तुमाए ऊपरै मोरे कारन आई आय।”

- रोमियों 12:9

दिखाबे कौ प्रेम न होबै; बुराई से दूर रओ; भलाई में लगे रओ।

- दूसरी कुरिन्थियों 6:17

ईसे पिरभू कैत आय, कि उनके बीच से कड़ जाओ और अलग रओ; तो मैं तुम हां ग्रहण कर हों।

- इफिसियों 5:11

और अंधयारे में जौन बेकार काम होत आंय साथ न दो, अकेले कओ कि जे अच्छे नईंयां।

- याकूब 1:27

हमाए पिता परमेसुर के लेखे में सुद्ध और साफ भक्ति जा आय, कि हम अनाथों और बिधवाओं की दुख पीड़ा में उन की सुध लेबें, और अपने आप हां संसार की बातन से दूर राखें।

- यहोशू 7:1

परन्‍त इस्राएलियन ने अरपन करी भई बस्‍त के बारे में बिस्‍वासघात करो; मतलब यहूदा गोत्र कौ आकान, जौन जेरहवंसी जब्‍दी कौ पोता और कर्मी कौ मोंड़ा हतो, ऊने अरपन करी बस्‍तों में सें कछु ले लओ, ई कारन यहोवा परमेसुर कौ गुस्‍सा इस्राएलियन पै भड़क उठो।

- यहोशू 7:13

उठ, परजा के मान्‍सन हों पवित्तर कर, उनसें कह, ‘भुन्‍सारे लौ अपने अपने हों पवित्तर करें रओ; कायसे इस्राएल कौ यहोवा परमेसुर जौ कैत आय, “हे इस्राएल, तोरे मजारें अरपन करी बस्‍त आय; ई लाने जब लौ तें अरपन करी बस्‍त हों अपने मजारें सें काड़ नें दे तब लौ तें अपने बैरियन के सामूं ठांड़ो नें रै पाहै।”

- यहोशू 7:15

तब जौन मान्‍स अरपन करी बस्‍त रखे भए पकड़ो जैहै, ऊ और जो कछु ऊकौ होए सब आगी में डालकें जला दओ जाए; कायसे ऊने यहोवा परमेसुर की बाचा हों तोड़ो आय, और इस्राएल में बुरओ काम करो आय’।”

- यहोशू 7:25

तब यहोशू ने ऊसें कई, “तेंने हमें काए परेसान करो आय? आज के दिना यहोवा परमेसुर तोहों कस्‍ट दैहै।” तब सब इस्राएलियन ने उनपै पथराव करो; और उनहों आगी में डालकें जलाओ, और उनके ऊपर पथरा डाल दए।

- 1 यूहन्‍ना 5:21

हे लड़को, मूरतन से बचे रईयो।