- यहोशू 3:16 - Bundeli Holy Bible

¹⁶ तब जौन पानूं ऊपर की कोद सें बहो आत हतो ऊ बेजा दूर, मतलब आदाम नगर के लिगां जौन सारतान के लिगां आय रुककें एक ढेर हो गओ, और भींत जैसो उठो रओ, और जौन पानूं अराबा कौ तलाब जौन खारो तलाब भी कहात आय, ऊकी कोद बहो जात हतो, ऊ पूरी तरहां सें सूख गओ; और परजा के मान्‍सन यरीहो के सामूं पार उतर गए।

- यहोशू 3:16 ပူးပေါင်းရင်းမြစ်များ

- उत्पत्ति 14:3

इन पांचई ने सिद्दीम नाओं तराई में मृत सागर के लिगां आकें एका करो।

- यहोशू 12:3

और किन्‍नेरेत नाओं समंदर सें लैकें बेत्‍यशीमोत सें होकें अराबा के समंदर लौ; जौन खारो समंदर सोई कहात आय, पूरब कोद अराबा, और दक्‍खिन कोद पिसगा की ढलान के खालें-खालें के देस पै अधकार रखत हतो।

- यहोशू 15:2

उनके हींसा की दक्‍खिनी सीमा खारे समंदर के ऊ छोरवारी खाड़ी सें सुरू भई जौन दक्‍खिनी छोर कुदाऊं बढ़ी आय;

- यहोशू 16:7

फिन यानोह सें बा अतारोत और नारा हों उतरत भए यरीहो के लिगां होकें यरदन पै कड़ी।

- यहोशू 3:13

जौन बेरा पृथ्‍वी भर के यहोवा परमेसुर की बाचा कौ बक्‍सा उठाबेवारे याजकों के गोड़े यरदन के पानूं में पड़हें, ऊ बेरा यरदन कौ ऊपर सें बहत भओ पानूं थम जैहै, और ढेर होकें ठैरो रैहै।”

- यहोशू 4:22

तब तुम जौ कहकें उनहों बतईयो, ‘इस्राएली यरदन के पार सूखी-सूखी धरती चले आए हते।’

- यहोशू 5:1

जब यरदन के पच्‍छिम कुदाईं रैबेवारे एमोरियों के सबरे राजाओं ने, और समंदर के लिगां रैबेवारे कनानियों के सबरे राजाओं ने जौ सुनो, कि यहोवा परमेसुर ने इस्राएलियन के पार होबे लौ उनके सामूं सें यरदन कौ पानूं हटाकें सुखा दओ आय, तब इस्राएलियन के डर के मारें उनकौ मन घबरा गओ, और उनके जी में जी नें रओ।