- यहोशू 22:5 - Bundeli Holy Bible

⁵ अकेले ई बात की पूरी चौकसी करियो कि जौन-जौन हुकम और नैम ब्‍यवस्‍था यहोवा परमेसुर के दास मूसा ने तुम हों दई आय ऊहों मानकें अपने यहोवा परमेसुर सें प्रेम रखौ, ऊकी पूरी गैलों पै निंगौ, ऊके हुकम मानौ, ऊकी भक्‍ति में लगे रओ, और अपने पूरे मन और पूरे प्रान सें ऊकी सेवा करो।”

- यहोशू 22:5 ပူးပေါင်းရင်းမြစ်များ

- मत्ती 22:37

ऊने ऊसे कई, तें परमेसुर अपने पिरभू से अपने सारे मन और अपने सारे प्राण और अपनी सारी बुद्धि से प्रेम कर।

- मत्ती 4:10

तब यीशु ने ऊसे कई; हे शैतान छलिया दूर हट जा, कायसे लिखो आय, कि तें प्रभु अपने परमेसुर हां परनाम कर, और केवल उनईं की भक्ति कर।

- मत्ती 6:24

कोऊ मान्स दो मालकन की चाकरी नईं कर सकत, कायसे बो एक से बैर और दूसरे से प्रेम रख है, या एक से मिलो रै है और दूसरे हां नैचों जान है; “तुम परमेसुर और धन दोई की भक्ति नईं कर सकत”।

- लूका 1:74

कि बो हम हां जौ दै है, कि हम अपने बैरियन के हांथ से छूट के।

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- यूहन्‍ना 14:15

जदि तुम मोसे प्रेम रखत आव, तो मोरी अग्या को मान हौ।

- प्रेरितन के काम 11:23

ऊ ने उते पोंच के, परमेसुर के अनुग्रह हां हेरो तो बो खुस भओ; और उन सबई हां हिम्मत देन लगो कि बे पूरे मन से प्रभु के भरोसे में बने रएं।

- प्रेरितन के काम 27:23

कायसे परमेसुर जीको मैं आंव, और जीको काज करत आंव, ऊ को एक सरगदूत आज रात मोरे ऐंगर आके ठांड़ो भओ।

- रोमियों 1:9

परमेसुर जी की सेवा मैं अपने मन से ऊके पुत्र के भले सन्देसे के लाने करत आंव, ओई मोरो गवाह आय; कि मैं तुम हां लगातार याद करत रैत आंव।

- रोमियों 12:9

दिखाबे कौ प्रेम न होबै; बुराई से दूर रओ; भलाई में लगे रओ।

- रोमियों 8:28

हम जानत आंय, कि जौन जनें परमेसुर से प्रेम राखत आंय, उन के लाने सबरी बातें भलाई हां उत्पन्न करत आंय, जाने के उनईं के लाने जौन ऊ की मन्सा अनसार टेरे गए आंय।

- इब्रानियों 12:15

और ध्यान धरो कि कोई परमेसुर की दया से न बच पाबै, और तकत रओ कि कोई करऔ होकें दूसरे जन हां परेसान न करे।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- यहोशू 23:8

परन्‍त जैसो आज के दिना लौ तुम अपने यहोवा परमेसुर की भक्‍ति में लीन रैत आव, बैसई रए करियो।

- यूहन्‍ना के दरसन कौ खुलासा 15:3

और बे परमेसुर के दास मूसा कौ गीत, और मेमने कौ गीत गाके कहत हते, कि हे महाबलि पिरभू परमेसुर, तोरे सबरे काज अदभुत आंय, हे जुग जुग के राजा, तोरी चाल सूदी और सांची आय।