- यहोशू 2:9 - Bundeli Holy Bible

⁹ इन मान्‍सन सें कैन लगी, “मोए तौ पक्‍को आय कि यहोवा परमेसुर ने तुमोंरन हों जौ देस दओ आय, और तुमाओ डर हमोंरन के मन में भर गओ आय, और ई देस के सबरे रैबेवारे तुमाए कारन घबरा रए आंय।

- यहोशू 2:9 ပူးပေါင်းရင်းမြစ်များ

- उत्पत्ति 35:5

तब उनोंरन ने उतें सें कूच करो; तब उनके चारऊं कुदाईं के रैबेवारों के भीतर यहोवा परमेसुर की कोद सें एैसो डर समा गओ कि उनोंरन ने याकूब के मोंड़ों कौ पीछा नें करो।

- नहेम्याह 6:16

जब हमाए सब दुस्‍मनन ने जा बात सुनी, तब हमाए चारऊं कोद रैबेवारे सब अन्‍यजाति डरा गए, और मुलक सरमिंदा भए; कायसे उनोंरन ने जान लओ कि जौ काम हमाए यहोवा परमेसुर की कोद सें भओ।

- एस्तेर 8:17

और जौन जौन प्रान्‍त, और जौन जौन नगर में, जितै कऊं राजा कौ हुकम और नियम पोंचे, उतै उतै यहूदियन हों आनन्‍द और खुसी भई, और उनोंरन ने भोज करके ऊ दिना हों खुसी कौ दिन मानो। और ऊ देस के लोगन में सें बिलात सें जनें यहूदी बन गए, कायसे उनके हिया में यहूदियन कौ डर समा गओ हतो।

- मत्ती 20:15

का मोरे लाने सही नईंयां कि जो मोरो आय ऊहां जैसो चाहों सो बाटों? का मोरो भलो करबो तोरी आंखन में खटकत आय?

- इब्रानियों 11:31

बिसवास ही से राहाब वेश्या जीने इस्राएलियन के भेदियन हां दुका के धरो, यरीहो के दूसरे जन के संग्गै नईं मारी गई।

- यहोशू 2:11

जौ सुनतई हमाओ मन पिघल गओ, और तुमाए कारन कौनऊं के जी में जी नें रओ। कायसे तुमाओ यहोवा परमेसुर ऊपर के आकास कौ और नेंचें की पृथ्‍वी कौ यहोवा परमेसुर आय।

- यहोशू 2:24

उनोंरन ने यहोशू सें कई, “पक्‍कौ यहोवा परमेसुर ने ऊ पूरो देस हमाए हाथ में कर दओ आय; फिन ईके अलावा ऊके सबरे रैबेवारे हमाए कारन घबरा रए आंय।”

- यहोशू 2:8

जे लेट नें पाए हते कि बा बईयर छत पै इनके लिगां जाकें,

- यहोशू 5:1

जब यरदन के पच्‍छिम कुदाईं रैबेवारे एमोरियों के सबरे राजाओं ने, और समंदर के लिगां रैबेवारे कनानियों के सबरे राजाओं ने जौ सुनो, कि यहोवा परमेसुर ने इस्राएलियन के पार होबे लौ उनके सामूं सें यरदन कौ पानूं हटाकें सुखा दओ आय, तब इस्राएलियन के डर के मारें उनकौ मन घबरा गओ, और उनके जी में जी नें रओ।

- यहोशू 6:2

फिन यहोवा परमेसुर ने यहोशू सें कई, “सुन, मैं यरीहो हों ऊके राजा और सूरवीरों समेंत तोरे बस में कर देत आंव।

- यहोशू 9:10

और जो कछु ऊने एमोरियों के दोई राजाओं सें करो जौन यरदन के ऊ पार रैत हते, मतलब हेशबोन के राजा सीहोन सें, और बाशान के राजा ओग सें जौन अशतारोत में हतो

- यहोशू 9:24

उनोंरन ने यहोशू हों उत्तर दओ, “तोरे दासों हों जौ पक्कौ बताओ गओ हतो, कि तोरे यहोवा परमेसुर ने अपने दास मूसा हों हुकम दओ हतो कि तुम हों ऊ सबरो देस दे, और ऊके सबरे रैबेवारों कौ तुमाए सामूं सें सर्वनास करे; ई लाने हमोंरन हों तुमाए कारन सें अपने प्रानों के लाले पड़ गए, ई लाने हमने एैसो काम करो।

- यहोशू 9:9

उनोंरन ने ऊसें कई, “तोरे दास बिलात दूर के देस सें तोरे यहोवा परमेसुर कौ नाओं सुनकें आएहें; कायसे हमने जौ सब सुनो आय, मतलब ऊकी बड़ाई और जो कछु ऊने मिस्र में करो,