- यहोशू 1:17 - Bundeli Holy Bible

¹⁷ जैसे हम पूरी बातों में मूसा की मानत हते बैसई तोरी सोई मानहें; इतनौ होए कि तोरो यहोवा परमेसुर जैसो मूसा के संगै रैत हतो बैसई तोरे संगै भी रए।

- यहोशू 1:17 ပူးပေါင်းရင်းမြစ်များ

- पैलो इतिहास 28:20

फिन दाऊद ने अपने मोंड़ा सुलैमान सें कओ, “हिम्‍मत बांध और पक्‍कौ होकें ई काम में लग जा। डराओ नें, और तोरो हिया कच्‍चो नें होए, कायसे यहोवा परमेसुर जौन मोरो परमेसुर आय, ऊ तोरे संगै आय; और जब लौ यहोवा परमेसुर के भवन में जितनो काम करने होबै ऊ नें हो जाबै, तब लौ ऊ नें तौ तोहों छोड़है और नें तोहों त्यागहै।

- मत्ती 21:9

और जो भीड़ ऊके आंगू-आंगू जा रई हती और बे भी जौन ऊके पाछें निंगत आत हते, चिल्ला चिल्ला के कह रए हते, दाऊद की सन्तान हां होशन्ना; धन्य आय बो जो पिरभू के नाओं से आत आय, आकास में होशन्ना।

- यहोशू 1:16

तब उनोंरन ने यहोशू हों जवाब दओ, “जो कछु तेंने हमें करबे कौ हुकम दओ आय ऊ हम करहें, और जितै कऊं तें हमें पठैय उतै हम जैहें।

- यहोशू 1:18

कोऊ काए नें होए जौन तोरे बिरुद्ध बलवा करे, और जितेक हुकम तें दैबे उनहों नें मानें, तौ ऊ मार डालो जैहै। परन्‍त तें पक्‍को और हिम्‍मत बांधे रै।”

- यहोशू 1:5

तोरे जीवन भर कोऊ तोरे सामूं ठैर नें पाहै; जैसे मैं मूसा के संगै रओ बैसई तोरे संगै भी रैहों; और नें तौ मैं तोए छोड़हों, और नें तोए हों त्यागहों।

- यहोशू 1:9

का मैंने तोए हुकम नईं दओ? हिम्‍मत बांधकें पक्‍को हो जा; डरियो नें, और तोरो मन कच्‍चो नें होए; कायसे जितै-जितै तें जैहै, उतै-उतै तोरो यहोवा परमेसुर तोरे संगै रैहै।”

- यहोशू 4:14

ऊ दिना यहोवा परमेसुर ने सब इस्राएलियन के सामूं यहोशू की मईमा बढ़ाई; और जैसे बे मूसा कौ भय मानत हते बैसई यहोशू कौ भी भय ऊके जीवन भर मानत रए।