- योना 1:3 - Bundeli Holy Bible

³ परन्‍त योना यहोवा परमेसुर के सामूं सें तर्शीश हों भग जाबे के लाने उठो, और याफा नगर हों जाकें ऊहों तर्शीश जाबे हों एक जहाज मिलो; और ऊ भाड़ा दैकें ऊपै चढ़ गओ कि उनके संगै होकें यहोवा परमेसुर के सामूं सें तर्शीश हों चलो जाए।

- योना 1:3 ပူးပေါင်းရင်းမြစ်များ

- उत्पत्ति 3:8

तब यहोवा परमेसुर के निंगबे की आवाज़, जो दिन में जूड़े की बेरा बगिया में घूमत हतो, उनहों सुनाई दई। तब आदम और ऊकी बईयर बगिया के पेड़ों के मजारें यहोवा परमेसुर सें छिप गए।

- उत्पत्ति 4:16

तब कैन यहोवा परमेसुर के सामूं सें कड़ गओ, और नोद नाओं देस में जो अदन में पूरब कुदाईं आय, रैन लगो।

- योना 1:10

तब बे औरें बिलात डरा गए और ऊसें कैन लगे, “तेंने जौ का करो आय?” बे औरें जान गए हते कि ऊ यहोवा परमेसुर के सामूं सें भग आओ आय; कायसे ऊने खुदई बता दओ हतो।

- योना 4:2

फिन ऊने यहोवा परमेसुर सें जा कहकें बिन्‍तवाई करी, “हे यहोवा परमेसुर जब मैं अपने देस में हतो, तब का मैं जाई बात नें कैत हतो? ऐई कारन तोरो हुकम सुनतईं तर्शीश हों भग जाबे के लाने फुरती करी; कायसे मैं जानत हतो कि तें दया करबेवारो और दयालु यहोवा परमेसुर आय और अबेर सें खुन्‍स करबेवारो, दया कौ सागर आय और दुख देबे सें खुस नईं होत, दुख दैबे की बेरा में अपनो हिया बदलबेवारो आय।

- लूका 9:62

यीशु ने ऊसे कओ; जौन कोई अपनो हाथ हल पे धर के पांछू तकत आय, बो परमेसुर के जोग नईंयां।

- प्रेरितन के काम 15:38

पर पौलुस ई बात पे अड़ो रओ कि हम ऊ जने हां, जीने पंफूलिया में हमाओ संग छोड़ दओ हतो, अपने संग्गै नईं लै जै हैं।

- प्रेरितन के काम 26:19

ई लाने हे राजा अग्रिप्पा, मैंने ऊ स्वर्गीय दरसन के हुकम कौ नईं टालो।

- प्रेरितन के काम 9:36

याफा में तबीता जाने के दोरकास नाओं की एक बिसवासिनी रैत हती, बा कुल्ल भले भले काम और दान दओ करत हती।

- प्रेरितन के काम 9:38

ई लाने कि लुद्दा याफा के ऐंगर हतो, चेलन ने जौ सुन के कि पतरस उते आय, दो मान्स पठै के ऊसे बिन्तवाई करी, कि हमाए इते आबे हां अबेर न कर।

- प्रेरितन के काम 9:42

जा बात सबरे याफा में फैल गई: और बहुतों ने पिरभु पे बिसवास करो।

- प्रेरितन के काम 9:43

और पतरस याफा में कोऊ चमड़ा के धन्धा करबेवारे लौ बिलात दिना तक रओ।

- पैली कुरिन्थियों 9:16

और जदि मैं भलो सन्देसो सुनाओं, तो मोरो कछु घमण्ड नईं, कायसे जौ तो मोरे लाने जरूरी आय; और जदि मैं भलो सन्देसो न सुनाओं, तो मो पे हाय।

- 2 थिस्सलुनीकियों 1:9

बे सबरे जनें पिरभू के बल के जस से, उनकी सक्ती और तेज से दूर होकें अनन्त निवास में दुख भोग हैं।

- यहोशू 19:46

मे-यर्कोन, और रक्‍कोन ठैरे, और यापो के सामूं की सीमा भी उनकी हती।