- यूहन्‍ना 8:58 - Bundeli Holy Bible

⁵⁸ यीशु ने उन से कई; मैं तुम से सांची सांची कहत आंव; ईसे पेंला कि इब्राहीम पैदा भओ मैं आंव।

- यूहन्‍ना 8:58 ပူးပေါင်းရင်းမြစ်များ

- यूहन्‍ना 10:25

यीशु ने उन से कई, मैंने तुम से कह दई, और तुम भरोसा नईं करत, जौन काज मैं अपने बाप के नाओं से करत आंव बेई मोरे बारे में गवाही देत आंय।

- यूहन्‍ना 17:24

हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- यूहन्‍ना 17:5

और हे बाप, अब तें अपने संग्गै मोरी महिमा, ऊ महिमा से कर जौन जगत के जन्म से पेंला, तोरे संग्गै मोरी हती।

- यूहन्‍ना 8:24

ई लाने मैं ने तुम से कई, कि तुम अपने ही पापन में मर हौ; कायसे जब लौ तुम भरोसा न कर हौ कि मैं ओई आंव, तुम अपने पापन में मर हौ।

- यूहन्‍ना 8:28

तब यीशु ने उन से कई, जब तुम मान्स के पूत हां ऊंचे पे चढ़ा हौ, तब तुम जान जै हौ कि मैं ओई आंव, और मैं अपने से कछु नईं करत, पर जैसो बाप ने मोय सिखाओ, मैं वैसई बातें कैत आंव।

- यूहन्‍ना 8:34

यीशु ने उन से कई; मैं तुम से सांची सांची कहत आंव, जौन पाप करत आय, ऊ पाप कौ चाकर आय।

- यूहन्‍ना 8:51

मैं तुम से सांची सांची कहत आंव, अगर कोऊ मोरो बचन कौ पालन कर है, तो बो कभऊं मृत्यु हां न तक है।

- कुलुस्सियों 1:17

बेई सबरे संसार के पैले से आंय, और सबरे संसार की बस्तें बे एकजुट करें आंय।

- इब्रानियों 13:8

यीशु मसीह बदलत नईंयां, बे जैसे कल हते सो आज सोई आंय, और कल ऊंसई बने रै हैं।

- यूहन्‍ना के दरसन कौ खुलासा 1:11

कि जो कछु तें हेरत आय, उन सबरी बातन हां एक पोथी में लिख के सातई मण्डली हां पठै दे, जैसे इफीसुस, स्मुरना, पिरगमुन, थूआतीरा, सरदीस, फिलदेलफिया और लौदीकिया में।

- यूहन्‍ना के दरसन कौ खुलासा 1:8

पिरभु जौन परमेसुर हते, और जौन आबेवारे आंय; जौन महाबली आय: ऐसो कहत आय, कि मैं पेंला से आंव और अन्त लौ रै हों।

- यूहन्‍ना के दरसन कौ खुलासा 2:8

और स्मुरना की मण्डली के दूत हां ऐसो लिखो, कि, जौन पेंला और अन्तिम आय; जो मर गओ हतो और अब जी गओ आय, बो जौ कहत आय।