- यूहन्‍ना 8:55 - Bundeli Holy Bible

⁵⁵ तुम ने तो ऊहां नईं चीनो, परन्त मैं ऊहां चीनत आंव; अगर मैं कहों कि मैं ऊहां नईं चीनत, तो मैं तुमाए घांई झूठो ठहर हों: परन्त मैं ऊहां चीनत और ऊके बचन को मानत आंव।

- यूहन्‍ना 8:55 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 15:21

परन्त जे सब बातें, बे मोरे नाओं के काजें तुमाए संग्गै कर हैं, कायसे बे ऊहां नईं चीनत जीने मोय पठैव।

- यूहन्‍ना 16:3

और बे ऐसो ई लाने कर हैं कायसे उन ने न बाप हां जानो और न मोय।

- यूहन्‍ना 17:25

हे धर्म बाप, संसार ने तोय नईं जानो, परन्त मैंने तोय जानो और इन ने सोई तोय जानो कि तेंने ही मोय पठैव आय।

- यूहन्‍ना 6:46

जौ नईं, कि कोऊ ने बाप हां तको पर जौन परमेसुर की कोद से आय, केवल ओई ने बाप हां तको आय।

- यूहन्‍ना 8:19

तब बे ऊसे कैन लगे, तोरो बाप किते आय? यीशु ने उन से कई, तुम न तो मोय जानत आव, और न मोरे बाप हां, अगर तुम मोय जानते, तो मोरे बाप हां सोई जानते।

- यूहन्‍ना 8:29

जीने मोय पठैव बो मोरे संग्गै आय; ऊ ने मोय अकेलो नईं छोड़ो; कायसे मैं सदा बे ही काज करत आंव, जीसे बो खुस होत आय।

- यूहन्‍ना 8:44

तुम अपने बाप शैतान से आव, और अपने बाप की मनकी बात हां पूरो करबो चाहत आव। बो तो शुरु से हत्यारो आय, और सत्य पे टिको नईं रओ, कायसे सत्य ऊ में हैई नईंयां: जब बो झूट बोलत आय, तो अपने गुन से बोलत आय; कायसे बो झूटो आय, और झूट कौ बाप आय।

- यूहन्‍ना 8:51

मैं तुम से सांची सांची कहत आंव, अगर कोऊ मोरो बचन कौ पालन कर है, तो बो कभऊं मृत्यु हां न तक है।

- यूहन्‍ना 8:52

यहूदियन ने ऊसे कई, अब हम जान गए आंय कि तो में दुष्ट आत्मा आय: इब्राहीम मर गओ, और अगमवकता सोई मर गए और तें कहत आय, कि अगर कोऊ मोरे बचन कौ पालन कर है, तो बो कभऊं मृत्यु कौ स्वाद नईं चख है।

- प्रेरितन के काम 17:23

कायसे जब मैं घूमत फिरत तुमाए पूजबे की चीजन को हेर रओ हतो, तो मोहां एक वेदी मिली, जीपे लिखो हतो, “अनजाने ईश्वर के लाने”। ई लाने जीहां तुम बिना जाने पूजत आव, ओई कौ सन्देसो मैं तुम हां सुनात आंव।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- 1 यूहन्‍ना 1:6

हम कैबें, कि उनके संग्गै हमाओ अच्छो सम्बन्ध आय, और फिन अंधियारे में चलबें, तो हम लबरा कहा हैं; और हमाई बातन में कछु सत्त नईंयां।

- 1 यूहन्‍ना 2:22

लबरा को आय? बो जौन यीशु मसीह हां संसार के मान्सन के पाप से छुड़ाबेवारो नईं मानत; बो यीशु मसीह को बिरोधी आय, परमेसुर जौन पिता आय और यीशु मसीह जौन उनके बेटा आंय उन हां नईं मानत।

- 1 यूहन्‍ना 2:4

जो कौनऊं ऐसो कैत आय, कि मैं उनकी कई करत आंव, और उनकी अग्यां नईं मानत, तो बो लबरा आय; और ऊ की बातन में कछु सत्त नईंयां।

- 1 यूहन्‍ना 5:10

जौन परमेसुर के बेटा पै बिसवास धरें आय, कि जा सांची आय; जीने परमेसुर की कई गई मानी, ऊने मानो उन हां झूठो मानो; जौन उन ने अपने बेटा के लाने कई।

- यूहन्‍ना के दरसन कौ खुलासा 3:9

हेर, मैं शैतान छलिया की कई करबेवारन हां तोरे बस में कर दै हों, और जौन यहूदी कहलान लगे आंय, पर हैं नईंयां, बे झूठ बोलत आंय -- हेर, मैं ऐसो कर हों, कि बे आके तोरे गोड़े पै दण्डवत कर हैं, और उन हां पता लग जै है, कि मैंने तोसे प्रेम रखो आय।