- यूहन्‍ना 8:46 - Bundeli Holy Bible

⁴⁶ तुम में से को मोय पापी ठहरात आय? अगर मैं सांची बोलत आंव, तो तुम मोरो भरोसा काय नईं करत?

- यूहन्‍ना 8:46 ပူးပေါင်းရင်းမြစ်များ

- मत्ती 21:25

यूहन्ना कौ बपतिस्मा कौन की कोद से हतो, सरग की कोद से या मान्सन की कोद से? और बे आपस में सोचन लगे अगर हम कै हैं कि सरग की कोद से, तो बो हम से कै है, कि तुम ने ऊको भरोसा काय नईं करो?

- मरकुस 11:31

तब बे आपस में बहस करन लगे कि अगर हम कहें, कि सरग कोद से, सो ऊ कै है; फिन तुम ने ऊकौ आभास काय नईं करो?

- यूहन्‍ना 14:30

मैं तुम से अब और बिलात बातें न कै हों, कायसे ई जगत कौ हाकिम आ रओ आय, और मोय में ऊ को कछु नईंयां।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 16:8

और जब बो आ है तो जगत हां पाप और धर्म और न्याव के बारे में निरुत्तर कर दै है।

- यूहन्‍ना 18:37

पीलातुस ने यीशु से कई, तो का तें राजा आय? यीशु न ऊसे कई, तें सही कहत आय कि मैं राजा आंव; मैंने ई लाने जन्म लओ, और ई लाने जगत में आओ कि सत्य की गवाही देओं, जो कौनऊं सत्य कौ आय, मोरी बानी सुनत आय।

- यूहन्‍ना 8:47

जौन परमेसुर कौ आय, बो परमेसुर की बातें सुनत आय, तुम ई लाने उन हां नईं सुनत कायसे तुम परमेसुर के नईं आव।

- यूहन्‍ना 8:7

जब बे बेर बेर ऊसे पूछत रए, तो ऊ ने सूदे ठांड़े होकें उन से कई, तुम में से जीने कछु पाप नईं करो होबे, ओई सब से पेंला ऊहां पथरा मारे।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- इब्रानियों 4:15

पिरभू यीशु मसीह हमाई उन बातन हां जी में हम कच्चे आंय; उनहां जानत आंय, कायसे एक एक बात में उनकी परख भई, परन्त उन में कोई पाप नईं कड़ो।

- इब्रानियों 7:26

हम हां ऐसई महायाजक चानें हतो, जौन पवित्तर, सूदे और बिना पाप के होबें, और पापी मान्सन जैसे न होबें, परन्त सरग लौ ऊंचे उठे होबें।

- 1 पतरस 2:22

न तो ऊ ने पाप करो, न ऊके मों से कोई छल की बात कड़ी।