- यूहन्‍ना 8:31 - Bundeli Holy Bible

³¹ तब यीशु ने उन यहूदियन से जिन ने ऊ पे भरोसा करो हतो, कहन लगे, जदि तुम मोरे कहबे जैसो कर हौ, तो सांची में मोरे चेले कहा हौ।

- यूहन्‍ना 8:31 ပူးပေါင်းရင်းမြစ်များ

- मत्ती 24:13

पर जौन अन्त लौ धीरज धरे रै हैं, ओई कौ उद्धार हुईये।

- यूहन्‍ना 1:47

यीशु ने नतनएल हां अपनी कोद आत हेर के ऊके बारे में कई, तको, सही में एक इस्राएली आय: जी में कोऊ छल नईंयां।

- यूहन्‍ना 2:2

यीशु और ऊके चेले सोई ब्याव के बुलौआ में आए हते।

- यूहन्‍ना 6:55

मोरो मांस तो सांची रोटी आय और मोरो खून सांची पीबे की चीज आय।

- यूहन्‍ना 8:36

ई लाने अगर पूत तुम हां छुट्टा कर है, तो तुम सांची में छुट्टा हो जै हौ।

- प्रेरितन के काम 13:43

जब प्रार्थना सभा खतम हो गई तो बिलात यहूदी और यहूदी धर्म में आए भए भक्तन में से बिलात लोग पौलुस और बरनाबास के पाछें हो लए; उन ने बतकाव करत भए उन से बिनती करी कि परमेसुर के आसीस में बने रएं।

- प्रेरितन के काम 14:22

और चेलन के मन पक्को करत रए कि पक्के बने राबें, जौ कह के हिम्मत बंधात रए; हम हां बिलात दुख पीड़ा उठाके परमेसुर के राज में जाने आय।

- प्रेरितन के काम 26:22

ई तरहां परमेसुर की कोद से मदद पाके मैं आज लौ बनो भओ आंव और हल्के बड़े सबई के आंगू गवाही देत आंव, और जौन बातें आगमवक्तन और मूसा ने कई आंय, की बे होबेवाली आंय, उनहां छोड़ कछु नईं कहत।

- रोमियों 11:22

ई लाने परमेसुर की किरपा और कड़ाई हां तक! जौन गिर गए, उन पे कड़ाई, पर तो पे किरपा, जदि तें ऊ में बनो रै है तो भलो, नईं तो, तें सोई काट डालो जै है।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- 1 तीमुथियुस 2:15

परन्त बईयर बच्चा पैदा करबे से अपनी जांगा फिन के पाहें, सो उन हां ठीक ठाक रैबो चईये और बिसवास, और प्रेम करबे, और पवित्तर बनो रओ चईये।

- 1 तीमुथियुस 4:16

इन बातन में पक्को बनो रै, कायसे ऐसो करबे से तें अपने, और जौन तोरी बातन हां सुनत आय उनको तरन तारन हुईये।

- 2 तीमुथियुस 3:14

परन्त तेंने जौन बातें सीखी आंय और उन पै बिसवास धरो, उन में पक्को बनो रै; ध्यान धरियो कि जे बातें तेंने कौन से सीखी हतीं?

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 8:9

जो ऊ कौल घांई नईंयां, जौन मैंने उन के बाप दादन से बांधी हती, जब मैं उनको हाथ पकड़ के उन हां मिसर देस से काड़ के ले आओ हतो, परन्त बे अपने कौल में सांचे नईं कड़े, सो मैंने उन हां छोड़ दओ।

- याकूब 1:25

पर जौन मान्स स्वतन्त्रता की सिद्ध नैम व्यवस्था पे ध्यान करत रैत आय, बो अपने काम में ई लाने आसीष पा है कि बो सुन के बिसरत नईं, परन्त वैसई काम सोई करत आय।

- 1 यूहन्‍ना 2:19

बे हम में से निकले हते परन्त सांचई हम में के नईं हते; कायसे हमाए बीच के होते, तो हमाए संग्गै रैते, उन के निकल जाबे से पता पड़त आय कि बे हमाए बीच के न हते।

- 1 यूहन्‍ना 2:24

जो कछु तुम ने पैली बेरा से सुनो आय ओई हां मानो, कायसे जौन बातें तुम ने पेंला सुनके अपने हिये में जमा लईं, तो तुम यीशु मसीह जौन बेटा आय और परमेसुर जौन पिता आय उन में बने रै हौ।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।